Самарқанд шаҳрида яшовчи Дониёр Зубайдов август ойида шаҳардаги Samsung дўконидан Huawei смартфонини харид қилган ва ўтказилаётган акцияда иштирок этиб, Nexia 3 ютиб олган, бироқ ютуқни олишда қийинчиликка учраган эди. Ютуқли ўйин ташкилотчиси «Unique Marketing group» компанияси «Дарё»га ушбу ҳолат бўйича изоҳ тақдим этди.
Қайд этилишича, 2019 йил 31 августда ютуқли ўйиннинг учта ғолибдан биринчиси аниқланди ҳамда Дониёр Зубайдов автомобиль совриндорига айлангани ҳақида хабардор қилинди. Шунингдек, унга ташкилотчи томонидан автомобиль 2019 йилнинг 18 октябрида (90 кунда) етказиб берилиши тушунтирилган.
«Шундай қилиб, барча маълумотлар ‘Unique Marketing group’ компанияси Дониёр Зубайдовнинг олдида ўз мажбуриятларини бажарганлигини кўрсатади. Автомобиль ютуғини олиш санаси кечикканлиги ғолибнинг қувончини бироз сусайтирган бўлиши мумкин, лекин оқибатда ҳаммаси яхшилик билан тугади. Янги Nexia 3’нинг калити ўз қонуний соҳибига топширилди», — дейилади хабарда.
Изоҳ (0)