Россиянинг Липецк шаҳри суди эр-хотинни шафқатсизлик билан ўлдиришда айбланган ўзбекистонлик эркакни 18 йил-у 3 ойга озодликдан маҳрум қилди. Жазони қаттиқ тартибли колонияда ўташ белгиланди. Бу ҳақда «Интерфакс» хабар берди.
Суд материалларига кўра, 2018 йилнинг 24 сентябрь куни кечаси судланувчи Липецк шаҳридаги ўз уйида унинг меҳмони бўлган 38 ёшли эркак ва унинг 36 ёшли рафиқасини ўлдирган.
Тергов томонидан исботланишича, эркак жиноятни ўта шафқатсизлик билан амалга оширган. Таъкидланишича, қотилликдан сўнг эркак ўз қурбонларининг таналарини бўлакларга бўлган ва уларни полиэтилен пакетларга ўраб, уй остидаги ертўлага яшириб қўйган.
Узоқ вақт алоқага чиқмаган эр-хотиннинг йўқолгани ҳақида уларнинг қариндошлари ҳуқуқни муҳофаза қилувчи идораларга хабар берган. Уларнинг қўшниси шубҳа остига тушган. Шу сабабли, эркак ҳуқуқни муҳофаза қилувчи идоралардан яширинган ва у қидирувга берилган.
Эр-хотин йўқолган кунда бўлган уй тинтув қилинганда, у ердан уларнинг тана бўлаклари топилган.
Айбланувчи ўз иш берувчисига тегишли гаражлардан бирида қўлга олинган. Эркак у ерда ўз жонига қасд қилмоқчи бўлган. Тиббий ёрдам кўрсатилгач, эркак қўлга олинган.
Хабар берилишича, исми ва фамилияси Рустам Эргашев бўлган эркак ўз айбини тан олмаган. Эркак унинг уйидаги ертўлада бўлган мурдалар ҳақида ҳеч нарса билмаслигини айтган. У Липецкда 11 йил яшаган, қўлга олингунига қадар шахсий юкларни ташиш билан шуғулланган.
Изоҳ (0)