Рио—2016 Олимпиадаси чемпиони Ҳасанбой Дўстматов профессионал боксда дебют жангини ўтказади.
Olamsport маълумотига кўра, Ҳасанбой 10 ноябрь куни Хитойда дебют қилади. Ушбу жангда Дўстматовга хитойлик Де Бин Жоу рақиблик қилади.
Таъкидланишича, Жоу шу кунга қадар проф боксда бешта жанг ўтказиб, уларнинг учтасида ғалаба қозонган. Битта жангда мағлуб бўлган бўлса, яна биттасида дуранг қайд этилган.
Бундан ташқари, Дўстматовнинг проф боксдаги иккинчи жанги санаси ҳам маълум — 30 ноябрь. Мазкур жанг эса Монако (Франция) да бўлади. Ҳозирча ушбу жангда Ҳасанбойга ким рақиб бўлиши аниқ эмас.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)