Peninsula Airways авиакомпанияси самолёти Алеут оролларида (АҚШ, Аляска штати) аварияли қўнишни амалга оширди. Бу ҳақда «Korrespondent.net» хабар бермоқда.
Йўловчи самолёти Анкориждан Алеут архипелагидаги Уналашка шаҳрига рейсни амалга оширган. Қўниш чоғида ҳаво кемаси учиш-қўниш майдони чегарасидан 120 метрга чиқиб кетади ва сув ҳавзасига қулашига сал қолади.
Самолёт бортида 39 нафар йўловчи ва 3 нафар экипаж аъзоси бўлган. Ҳодиса оқибатида 12 киши жабрланди, улардан икки нафари оғир жароҳат олган. Вашингтонлик 38 яшар эркак ҳалок бўлгани билдирилмоқда.
Изоҳ (0)