Франция ва Евроиттифоқ Туркияга то Суриядаги ҳарбий операциялар бутунлай тўхтатилмагунига қадар санкциялар қўллаб, давлатни НАТО аъзолигидан ҳам чиқармоқчи. Франция Миллий мажлисининг (парламент қуйи палатаси) 8 фракциясидаги 60 нафар депутат ушбу таклифни ҳукуматга киритган. Бу ҳақда «ТАСС» хабар тарқатди.
«Туркиянинг Сурия Курдистонида ҳарбий ҳаракатларни амалга ошираётганидан, ғарб демократияси вакилларининг ушбу зўравонликка бепарво қараётгани, халқаро ҳуқуқ меъёрларининг бузилаётгани, ҳудуддаги беқарор вазиятнинг янада чигаллашаётганидан норозимиз. Францияни ҳамда Европа иттифоқини бу борада тегишли чоралар кўришга чақирамиз», — дейилган депутатлар мурожаатида.
Улар таклиф этаётган чоралар орасида Туркиянинг ҳаракатлари умумий хавфсизликка таҳдид эканини инобатга олиб давлатни НАТО таркибидан чиқариб юбориш ҳақидаги мулоҳаза ҳам мавжуд. Шунингдек, франциялик депутатлар Анқарага нисбатан ҳам аввал Москвага берилган жазо — молиявий санкциялар қўллашни ҳам таклиф этган. Шу билан бирга халқ вакиллари Париж ва Брюсселни «Туркиянинг Евроиттифоққа кириш бўйича музокараларга йўл қўймаслик» ва «Анқарага ҳар қандай молиявий ёрдам кўрсатишни тўхтатиш» бўйича ҳам тавсиялар берган.
Мавзуга доир:
- Туркия Суриядаги операцияни тўхтатади. Вашингтон Анқарага нисбатан санкциялар қўлланмаслигини билдирди
- Туркия АҚШ санкцияларига жавоб бериш йўлини топди
- Эрдўғон Туркиянинг санкциялардан қўрқмаслиги ва Суриядаги ҳарбий ҳаракатларни давом эттиришини билдирди
- Трамп Туркияга қарши санкциялар қўллашга кўрсатма берди
«ИШИДга қарши коалиция таркибида биз билан иттифоқдош бўлиб курашган курдларни қўллаб-қувватлаш зарар. Биз учун курашган аёллар-у эркаклар — курд жангарилари олдида маънавий қарздормиз. Туркия президенти эса юзсизларча уларни ИШИД ҳамда жиҳодчилардек «террорчи» санамоқда», — дейилади мурожаатда.
Депутатлар Францияни фаол бўлишга, Европа ёрдамида ташаббусини бошқариш, барчага ўзи ва шерикларининг стратегик манфаатларини ҳимоя қилиб аввалги обрўсини тиклашга чақирган.
Изоҳ (0)