Россиянинг Красноярск ўлкаси, Курагинск туманидаги Сейба дарёсида олтин қазиб олувчи артелга қарашли технологик сув ҳавзасининг дамбаси ўпирилди. Бу ҳақда «РИА Новости» хабар бермоқда.
Ўпирилиш оқибатида қазиб олувчилар посёлкасидаги иккита ишчилар ётоқхонаси сув остида қолди. 12 киши ҳалок бўлди, 4 киши касалхонага етказилди, яна 15 киши воқеа жойида тиббий кўрикдан ўтказилган. 10 дан ортиқ одамнинг тақдири номаълум бўлиб турибди.
Сув остида қолган ётоқхоналарда 80 нафаргача ишчи бўлиши мумкинлиги айтилмоқда, уларнинг сонига аниқлик киритилмоқда.
Россия Тергов қўмитаси ва прокуратура текширув бошлади, ҳолат юзасидан жиноий иш қўзғатилган. Ҳодиса жойига қутқарувчилар, полиция ва тергов гуруҳи юборилди.
Изоҳ (0)