Microsoft компанияси 16 декабрь куни Windows Phone 8.1 операцион тизими фаолиятини тўхтатади. Компания ўз дўконидаги ушбу операцион тизимда ишлайдиган смартфонларни ўчиради, деб хабар берди Clashgear.
Ушбу мобил операцион тизим версияси олти йилдан камроқ вақт давомида ишлади. Аслида, Редмонддаги компания бундан икки йил олдин 8.1 да ишлайдиган смартфонларни қўллаб-қувватлашни тўхтатган. Бироқ фойдаланувчилар расмий дўкон орқали айрим дастурларни янгилаб олиши мумкин эди. 16 декабрдан операцион тизим тўлиқ Windows Phone Store'дан ўчирилади.
Фойдаланувчилар ўз девайсларини ишлатаверади, бироқ бундан буён ҳеч қандай янгиланиш бўлмайди, яъни Lumia эгаси бирор дастурни ўчириб юборса уни қайта ўрната олмайди.
Microsoft компанияси Windows Phone 8.1 аппарати фойдаланувчиларига Windows 10 Mobile ишлатишни тавсия қилмоқда. Аммо 10 декабрдан Microsoft ушбу операцион тизимни ҳам қўллаб-қувватлашни тўхтатади (лекин дўкондан юклаб олиш мумкин).
«Дарё»га ҳар ой бир неча минг одам Windows Phone операцион тизимидаги телефонлар орқали киради.
Изоҳ (0)