Туркия президенти Ражаб Тоййиб Эрдўғон АҚШ давлат раҳбари Дональд Трамп 9 октябрда «бутун дунёга ўз юкини ташламаслик» ва Сурияда курдларга қарши уруш ҳаракатларини бошламасликни сўраб ёзган хатини ташлаб юборган. Бу ҳақда Meduza хабар берди.
Фото: «Inosmi.ru»
Туркия ҳукуматининг вакиллари Эрдўғоннинг ушбу хатга жавоб ёзишни қатъиян рад этганлигини билдирган. Аввал АҚШ президенти Дональд Трамп «Тинчлик булоғи» операцияси бошланиши олдидан Туркия етакчиси Ражаб Тоййиб Эрдўғонга курдлар генерали Мазлум Абдининг Анқара билан музокаралар олиб боришга тайёр эканлиги ҳақида хат юборгани хабар қилинганди.
Трамп Эрдўғонга ёзган хатнинг ижтимоий тармоқларда тарқалган нусхаси
Фото: Twitter/@marklowen
АҚШ 15 октябрь, сешанба куни Туркияга қарши санкциялар қўлланилганини эълон қилган. Чеклов чоралари туркларнинг энергетика, мудофаа вазирликлари ва бир нечта юқори лавозимдаги раҳбарларига қарши қўлланилган. Шунингдек, Вашингтон турк пўлати учун йиғимларни 50 фоизга оширмоқчи, кейинчалик молия ҳамда визалар берилиши борасида ҳам тақиқлар амалга оширилиши мумкин.
Мавзуга доир: Туркия АҚШ санкцияларига жавоб бериш йўлини топди
Туркиянинг Сурия ҳудудида ўтказаётган «Тинчлик булоғи» операциясини Европа иттифоқи, Араб давлатлари лигаси, АҚШ, Буюк Британия, Германия, Франция, Бельгия, Эстония, Эрон ва бошқа давлатлар кескин қоралаган. Айни вақтда Сурия ҳудудида Туркия, курдлар ҳамда мамлакат ҳукуматига қарашли қўшинлар ўзаро уруш олиб бормоқда. Дунё давлатларининг кўпчилиги ушбу ҳаракатлар сабаб Суриядаги вазият янада беқарорлашиши ва ИШИД қайта туғилиши мумкинлигидан хавотирда эканлигини билдирган. Франция, Германия ҳамда Канада ушбу ҳарбий ҳаракатлар сабаб Туркияга қурол сотишни тўхтатган.
