«Сурия демократик кучлари» етакчиси Мазлум Абди курдларнинг ИШИД террорчилик гуруҳлари вакиллари ва уларнинг оила аъзоларини Сурия ҳукумати қўшинларига ҳам, Туркия ихтиёрига ҳам берилмаслигини маълум қилди. Бу ҳақда «ТАСС» хабар берди.
«Ҳибсга олинган ИШИД жангарилари ва уларнинг оила аъзолари бизнинг ихтиёримизда. Уларни биз ушладик ва тақдирини ҳам ўзимиз ҳал этамиз», — дея қайд этган Абди. Шунингдек, курдлар етакчиси «Сурия демократик кучлари» эгаллаб турган ҳудудга Туркия қўшинлари ёки Башар Асад армияси кирган тақдирда ҳам ИШИД вакилларини уларга топширмаслигини билдирди.
9 октябрда Анқара Сурия шимоли-шарқида «Тинчлик булоғи» ҳарбий операцияларининг бошланганини эълон қилди. Эрдўғоннинг мақсади Сурия Туркия чегарасида қочоқлар учун «хавфсиз зона» ташкил этиш. Бутун дунё Туркиянинг Суриядаги ҳарбий ҳаракатларини қоралаган ва ушбу операция оқибатида ИШИД қайта туғилиши мумкинлигидан хавотирлар вужудга келган.ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)