Одатда малакали, ўз ишига пухта ёндошадиган қурувчилар сифатли, энг асосийси эса узоқ муддатли кафолатга эга қурилиш материалларини танлашади. KNAUF компанияси томонидан қурилиш, пардозлаш ва таъмирлаш учун ишлаб чиқариладиган маҳсулотлар ана шу талабларга тўлиқ жавоб беради.
Бироқ сўнгги йилларда айрим юртдошларимиз томонидан мамлакатимиздаги қурилиш моллари дўконларидан сотиб олинган қурилиш материаллари талабга жавоб бермаётганлиги, ўхшаш номлар танловда адаштираётганлигидан компанияга эътирозлар келиб тушмоқда. Шунга кўра, KNAUF мутахассислари ҳудудларда ўрганиш ва суриштирувлар олиб борди. Уларнинг якунига кўра, дўконларда айнан компания бренди ҳамда шунга ўхшаш, одамларни фикрини чалғитадиган маҳсулотларнинг сотилаётганлиги аниқланди.
Бунга мисол журналист ва блогерлар иштирокида Фарғона ҳамда Андижон вилоятларидаги қурилиш маҳсулотлари бозорларида ўтказилган суриштирувлар мобайнида бир нечта дўконларда «Ротбанд» ва шунга ўхшаш бўлган Rodbun, Rodberd, Rodben, Rodbus, Rodland, «Родбан», маҳсулотлари сотилаётганлиги мисол бўла олади. Ачинарлиси уларнинг айримлари ҳеч қандай рухсатномасиз, гувоҳномасиз, индекс рақамисиз сотилаётганлигидадир. Ишлаб чиқариш корхонаси манзилининг йўқлиги эса ҳар қандай харидорда шубҳа уйғотиши табиий, албатта.
Тадбиркорларнинг бундай номлар билан маҳсулот сотишидан нима наф? Наҳотки, улар норматив ҳужжатлар ҳисобланган Ўзбекистон Республикаси Президентининг «Интеллектуал мулк объектлари ҳуқуқларига ишончли ҳимоясини кафолатли таъминлашни кучайтириш тўғрисида»ги фармони ҳамда «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги қарорларига зид тартибда фаолият кўрсатишса?
Суриштирув ва ўрганишлар давомида тадбиркорлар товар белгиси эгаларининг ҳеч қандай рухсатномасиз маҳсулот ишлаб чиқараётгани ушбу хатти-ҳаракатлари орқали компания нуфузига путур етказаётганидан далолат беради. Бунда интеллектуал мулк агентлиги ҳамда монополияга қарши курашиш қўмитаси вакиллари бунга эътиборсиз қараётгандек гўё.
KNAUF – оилавий бизнеснинг афзал принципларига асосланган, ўзининг узоқ йиллик фаолияти давомида қадр-қимматини сақлай олган дунёдаги йириқ халқаро компания ҳисобланади.
Компания – бутун дунёда машҳур шу номдаги савдо белгиси остида қурилиш материалларини ишлаб чиқарадиган компания бўлиб, кўп йиллик тарихи ва қурилиш, пардозлаш ва таъмирлаш учун ишлаб чиқарадиган маҳсулотларининг доимий юқори сифати билан донг таратган. Марка халқаро бозордаги тажрибаси, ишончлилиги ва оқилона нархлари туфайли харидорларнинг юқори талаб ва эътирофларига сазовор бўлган.
Компаниянинг инвестицион фаолияти 1993 йилда Россиядан бошланган бўлиб, кейинги йилларда Қозоғистон, Ўзбекистон, Озарбайжон ва Грузияда замонавий ускуналар билан жиҳозланган ўз корхоналарини тузди ва бунёд этди. KNAUF Германияда ҳам, МДҲ давлатларида ҳам маҳсулотларига бирдек юқори сифат стандартига эга барча халқаро гуруҳлар учун ягона техникавий ишлаб чиқаришни қўллайди.
Маркетинг фаолияти МДҲнинг деярли барча давлатларида ва Монголияда кенг ёйилган.
Компания рақобатчилар кўпайишидан чўчимайди, аксинча соғлом рақобат ўз фаолиятини янада жонлантириш, материаллар сифатини яна оширишга хизмат қилишини яхши билади. Шу сабабли тадбиркорлардан KNAUF’нинг брендлари ҳамда шунга ўхшаш номларда маҳсулотлар чиқаришни тўхтатилишини, ўз фаолиятини қонуний тартибда олиб боришларини сўраб қолади.
Реклама ҳуқуқи асосида.
Изоҳ (0)