Пентагон раҳбари Туркиянинг Суриядаги ҳаракатлари ИШИД жангариларининг озод бўлишига сабаб бўлганини маълум қилди

АҚШ мудофаа вазири Марк Эспер Туркиянинг Сурия шимоли-шарқидаги ҳарбий операцияси ИШИД террорчиларига қарши курашга таъсир кўрсатди ва ҳибсда бўлган террорчиларнинг озод бўлишига шароит яратганини таъкидлади. Бу ҳақда «ТАСС» хабар берди.

АҚШ ҳамда жаҳон ҳамжамиятининг эътирозлари ва огоҳлантиришларига қарамай Туркия президенти Ражаб Тоййиб Эрдўғон Сурия шимолига ҳужум қилиш ҳақида буйруқ берди, натижада ҳудудда юзлаб одамлар ҳалок бўлди, бинолар вайрон қилинди, қочоқлар сони кўпайди, хавфсизлик даражаси пасайди ва минтақадаги америкалик ҳарбийлар ҳаёти учун ҳам тажовузлар пайдо бўлди.

Марк Эспер, АҚШ мудофаа вазири

Пентагон раҳбарининг сўзларига кўра, «ушбу ўринсиз ҳаракат» халқаро тарзда ИШИДга қарши олиб борилаётган курашга салбий таъсир кўрсатган, шунингдек кўплаб террорчиларнинг ҳибсдан озодликка чиқишига сабаб бўлган.

Туркиянинг масъулиятсиз билан қилган ҳаракатлари Сурия шимоли-шарқидаги америкалик ҳарбийлар ҳаётига ҳам катта хавф солмоқда. Ушбу операция натижасида биз каттароқ низо иштирокчисига айланишимизнинг эҳтимоли кўпайган. Шу сабабли АҚШ мудофаа вазирлиги президент буйруғига асосан ўз қўшинини Сурия шимоли-шарқидан олиб чиқиб кетади

Ушбу операцияни Туркиянинг бепарволик билан қилган томонлама ҳарбий ҳаракатлари дейиш мумкин. Эрдўғон ушбу ҳаракатлар натижасида юз берадиган ҳодисалар, жумладан ИШИДнинг қайта туғилиши, ҳарбий жиноятлар ва ҳудуддаги инқироз учун жавобгар бўлади. Икки давлат ўртасидаги муносабатларга ҳам путур етган.

Марк Эспер, АҚШ мудофаа вазири

АҚШ администрасияси юқори мартабали вакилининг айтишича, ҳукумат террочиларнинг қамоқдан чиқарилгани ҳақида ахборот олган, бироқ Сурия ҳудудида қанча террорчи озодликда юргани ҳақида аниқ маълумотга эга эмас.Эспер келаси ҳафтада НАТOга аъзо давлатларни Туркияга қарши чора-тадбирларни муҳокама қилиш учун йиғишни режалаштирмоқда.

Келаси ҳафтада НАТOнинг Брюсселдаги қароргоҳига бораман ва у ерда итиффоқдаги шерикларни жамоавий, индивидуал дипломатик ҳамда иқтисодий жиҳатдан Туркиянинг ҳарбий ҳаракатларига қарши туришга чақирмоқчиман.

Марк Эспер, АҚШ мудофаа вазири

Аввак АҚШ президенти Дональд Трамп Туркияга нисбатан Сурия шимолидаги ҳарбий операция учун чеклов чораларини жорий этишга қаратилган қарорни имзолаган. АҚШ расмийлари Туркия мудофаа ва энергетика вазирликлари, шунингдек, мамлакат мудофаа, ички ишлар ва энергетика вазирларига нисбатан санкциялар эълон қилган. Ушбу қарорга мувофиқ АҚШ молия вазирлиги ва давлат департаменти Туркия миллий мудофаа вазири Хулуси Акара, Энергетика ва табиий ресурслар вазири Фотиҳ Донмез ҳамда Туркия ички ишлар вазири Сулаймон Сойлуга нисбатан санкциялар қўлланилган.ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.