Бирлашган Миллатлар Ташкилоти хавфсизлик кенгашининг аъзоси бўлган беш Европа мамлакати Туркиядан Сурия шимоли-шарқидаги ҳарбий ҳаракатларни тўхтатишни сўрамоқда. Бу ҳақда Сурия шимолидаги воқеалар муҳокамасига бағишланган Хавфсизлик кенгаши маслаҳатлашувидан кейин Германиянинг БМТдаги доимий вакили Юрген Шульц маълум қилди, дея хабар қилган «ТАСС».
Шульц «Европа бешлиги» — Франция, Германия, Буюк Британия, Бельгия ва Польша номидан гапирар экан, Эстония ҳам ушбу бешлик фикрини қўллаб-қувватлаётганини қистириб ўтди.
Сурия шимоли-шарқидаги турк ҳарбий ҳаракатлари амалга оширилаётганидан ташвишдамиз. Туркияни бир томонлама ҳарбий операцияларни тўхтатишга чақирамиз, ушбу ҳаракатлар Анқаранинг муаммоларини ҳал этмайди, аксинча ташвишини баттар кўпайтиради.Германиянинг БМТ даги доимий вакили Туркия Сурия шимоли-шарқида тузмоқчи бўлган «хавфсиз ҳудуд»да қочоқларни ортга қайтариш учун халқаро меъёрларга мос шароит яратилишига ҳам шубҳалари борлигини айтиб ўтди.Сурия шимоли-шарқидаги ҳарбий ҳаракатлар ҳудуддаги беқарор вазиятни янада кескинлаштиради, мамлакат фуқаролари азоб чекади, Суриядан Европага қочаётган қочоқлар сони ҳам ортади. Туркиянинг бир томонлама ҳарбий операцияси ИШИДга қарши курашда эришилган муваффақиятларга ҳам салбий таъсир қилади. Халқаро коалициянинг маҳаллий иштирокчиси бўлган «Сурия демократик кучлари»га ҳужум натижасида Сурия шимоли-шарқидаги вазият беқарорлашади, бу ИШИДнинг қайта туғилишига шароит яратиши, минтақа ва Европа хавфсизлигига жиддий хавф солиши мумкин.
Юрген Шульц, Германиянинг БМТдаги доимий вакили
У ердаги демографик жараённи ўзгартиришга қаратилган ҳар қандай уриниш ножоиз ҳаракат бўлади. Европа иттифоқи аҳолининг маҳаллий бошқарув ҳуқуқлари инкор этилаётган ҳудудлардаги вазиятни барқарорлаштиришга ўз воситаларини бермаслигини маълум қиламиз.Туркия Европа иттифоқи учун муҳим ҳамкор, НАТОдаги иттифоқчи ва ИШИДга қарши кураш бўйича халқаро коалиция аъзоси. Ҳозир ҳудуддаги инқирозни тугатиш жуда муҳим аҳамият касб этади ва Туркиянинг суриялик қочоқлар билан вазиятда ўз ўрнига эга эканини яхши тушунамиз. Биз томонларнинг аҳоли вакиллари ҳимоясини таъминлаши ва Сурия ҳудудида уларга ижтимоий ёрдам бериши тарафдоримиз.
Юрген Шульц, Германиянинг БМТдаги доимий вакили
Мавзуга доир:
Изоҳ (0)