Зеленский Путин билан музокаралари матнини эълон қилишдан бош тортди

10 октябрь куни бўлиб ўтган пресс-марафон вақтида журналистлар Украина президенти Владимир Зеленскийга у Россия президенти Владимир Путин билан музокаралари матнини эълон қилишга қанчалик тайёрлиги ҳақидаги савол билан мурожаат қилди — аввалроқ унинг АҚШ президенти Дональд Трамп билан бўлган телефон суҳбати матни эълон қилинган эди.

Зеленский россиялик ҳамкасби билан бўлган телефондаги музокаралар матнини эълон қилмаслигини айтди, чунки бу, унинг фикрича, икки томонлама учрашувларнинг йўққа чиқарилишига олиб келади.

«Мен ҳеч нарсани эълон қилмайман, чунки бу одамларни қайтариш ва урушни тўхтатиш жараёнини давом эттиришга путур етказишини биламан», — деди Владимир Зеленский.

Meduza’нинг эслатишича, аввалроқ Кремль вакиллари президентларнинг ҳар қандай мулоқотлари матни фақатгина томонларнинг ўзаро розилиги асосида эълон қилиниши мумкинлигини таъкидлаб ўтган эди.