Туркия Сурия ҳудудига қўшин киритишни бошлади. Бу ҳақда Bloomberg хабар берди.
Фото: Bloomberg
Туркия ҳарбий қўшинларининг асосия вазифаси курд ҳарбий кучларини икки мамлакат ўртасидаги чегарадан узоқлаштиришдан иборатлиги хабар қилинмоқда.
Мавзуга доир:
Туркия президенти Ражаб Тоййиб Эрдўғон 6 октябрда Сурия шимоли-шарқида ҳарбий операциялар ўтказишга тайёргарлик кўрилаётганини маълум қилган. У ҳарбий ҳаракатлар Анқара террорчилик гуруҳлари деб ҳисоблайдиган Курдлар миллий ҳимоя отрядларига қарши қаратилганига урғу берган.
Курд қуролланган гуруҳи АҚШнинг ҳудуддаги иттифоқдоши. Дастлаб АҚШ президенти Дональд Трамп ва Оқ уй америкалик ҳарбийларнинг Сурия ҳудудидан чиқиб кетишини эълон қилган, кейинроқ эса Туркияни курдларга куч ишлатмасликка чақирган.
