Норматив-ҳуқуқий ҳужжатлар муҳокамаси порталида Иқтисодиёт ва саноат вазирлиги томонидан тайёрланган Ўзбекистонни 2030 йилгача ижтимоий-иқтисодий ривожлантириш концепциясининг лойиҳаси жойлаштирилди.
Ҳужжатда келтирилган прогнозларга кўра, 2030 йилга келиб реал ялпи ички маҳсулот 2,1 (2018 йилдаги 50,505 миллиард доллардан 176,78 миллиард долларгача), аҳоли жон бошига ЯИМ эса 3 баравар (1533 доллардан 4538 долларгача) ўсиши кўзда тутилмоқда.
Бу мақсадга эришиш учун иқтисодий ўсишнинг ўртача йиллик суръати 6,4 фоиздан кам бўлмаслиги талаб этилади. Инфляциянинг ўртача йиллик даражаси эса 4,4 фоизни (2018 йилда 17,5 фоиз) ташкил этиши кутилмоқда.
2030 йилда аҳоли жон бошига ЯИМ бўйича эришиладиган натижа Ўзбекистонни
- даромадлар даражаси ўртачадан юқори бўлган мамлакатлар гуруҳига кириши;
- аҳоли даромадлари ўсиши таъминланиши;
- кам таъминланганлик даражасини 2 баравар камайтириш;
- ўртача умр кўриш даражасини 78-80 ёшга етказиш;
- ўлим ҳолатларини 1,5 баравар камайтириш;
- аҳолининг уй-жой (20 квадрат метр), сифатли ичимлик суви ва барқарор электр энергияси билан 100 фоиз таъминлаш имконини бериши кутилмоқда.
Иқтисодиётнинг ишлаб чиқариш салоҳияти ўсиши экспорт ҳажми 3 баравар ортишига олиб келиши тахмин қилинган.
Изоҳ (0)