Вашингтон охири йўқ урушларда бошқа иштирок этмасликка қарор қилди. Бу ҳақда АҚШ президенти Дональд Трамп маълум қилди, дея хабар беради «РИА Новости».
Қўшма Штатлар етакчиси Туркия президенти Ражаб Тоййиб Эрдўғон ва «Сурия демократик кучлари» (CDF) араб-курд отрядларининг АҚШ қўшинлари Сурия шимолидаги Туркия билан чегарадош ҳудудлардан чиқарилиши ҳақидаги хабарларига шу тариқа муносабат билдирди.
«Курдлар биз билан бирга жанг қилган, бироқ биз уларга катта маблағ тўлаганмиз ва техника етказиб берганмиз. Улар Туркия билан ўнлаб йиллар давомида олишиб келган. Бизга бундай кулгили ва охири йўқ, кўплари турли элатлар ўртасида бўлиб ўтадиган урушлардан чиқиш ва аскарларимизни уйга қайтариш вақти келди», — дея ёзув қолдирган Трамп Twitter’даги саҳифасида.
Трампга кўра, Туркия, Европа, Сурия, Эрон, Ироқ, Россия ва курдлар ИШИД жангарилари билан нима қилишни ўзлари ҳал этади.
Эслатиб ўтамиз, олдинроқ курдлар Вашингтоннинг Сурия ҳудудидан америкалик ҳарбийларни олиб чиқиб кетиши ҳақидаги баёнотини «ортдан туриб пичоқ санчиш» дея баҳолаганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)