Tramp AQSh “oxiri yo‘q urushlar”da boshqa ishtirok etmasligini ma’lum qildi

Vashington oxiri yo‘q urushlarda boshqa ishtirok etmaslikka qaror qildi. Bu haqda AQSh prezidenti Donald Tramp ma’lum qildi, deya xabar beradi “RIA Novosti”.

Qo‘shma Shtatlar yetakchisi Turkiya prezidenti Rajab Toyyib Erdo‘g‘on va “Suriya demokratik kuchlari” (SDF) arab-kurd otryadlarining AQSh qo‘shinlari Suriya shimolidagi Turkiya bilan chegaradosh hududlardan chiqarilishi haqidagi xabarlariga shu tariqa munosabat bildirdi.

“Kurdlar biz bilan birga jang qilgan, biroq biz ularga katta mablag‘ to‘laganmiz va texnika yetkazib berganmiz. Ular Turkiya bilan o‘nlab yillar davomida olishib kelgan. Bizga bunday kulgili va oxiri yo‘q, ko‘plari turli elatlar o‘rtasida bo‘lib o‘tadigan urushlardan chiqish va askarlarimizni uyga qaytarish vaqti keldi”, — deya yozuv qoldirgan Tramp Twitter’dagi sahifasida.

Trampga ko‘ra, Turkiya, Yevropa, Suriya, Eron, Iroq, Rossiya va kurdlar IShID jangarilari bilan nima qilishni o‘zlari hal etadi.

Eslatib o‘tamiz, oldinroq kurdlar Vashingtonning Suriya hududidan amerikalik harbiylarni olib chiqib ketishi haqidagi bayonotini “ortdan turib pichoq sanchish” deya baholagandi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.