Эрон олий етакчиси Оятуллоҳ Али Хоманаий «душманлар» Эрон ҳамда Ироқ ўртасига нифоқ сола олмаслигини билдирди, деб ёзмоқда «РИА Новости».
«Ироқ ва Эрон — юраклари ва қалблари имон нури, Муҳаммад (с.а.в.) пайғамбар ва имом Ҳусайнга муҳаббат ила Аллоҳга боғланган икки халқ. Бу халқлар иттифоқи кундан кунга мустаҳкамланиб боради. Душманлар улар ўртасига нифоқ солишга уринади, лекин ҳар сафар бунинг уддасидан чиқа олмайди. Уларнинг фитналари ҳеч қачон амалга ошмайди», — дея қайд этилган Хоманаийнинг Twitter’даги хабарида.
Мавзуга доир: Эрон АҚШ билан ҳеч бир масалада музокаралар ўтказмайди
Ироқ ИИВ маълумотига кўра, норозилик намойишлари оқибатида ҳалок бўлганлар сони 104 нафарга етди, 6 мингдан ортиқ одам турли даражадаги жароҳатлар олди. Ироқдаги ҳеч бир партия ва сиёсий етакчи норозиликлар ортида қандай кучлар турганига изоҳ бермаган. БМТ мамлакатдаги кучишлатар тизим вакилларидан намойишлар вақтида фуқароларга нисбатан зўравонлик қилмасликни ва тинч аҳоли вакилларининг ўлими юзасидан очиқ тергов ўтказишни сўраган.
Аввал Эрон ташқи ишлар вазирлиги Ироқ ҳукуматининг мамлакатда давом этаётган норозиликлар бўйича вазиятни ўзгартира олишига Теҳроннинг ишонишини маълум қилган. Шунингдек, вазирлик Эроннинг Ироқ ҳукумати сиёсий кучлари ва диний уламоларини хориждаги кучлар ушбу вазиятдан ўз манфаати йўлида фойдаланиши мумкинлиги ҳақида огоҳлантирган.
Изоҳ (0)