Футбол бўйича Испания Ла Лигасининг 8-турида 6 октябрь, якшанба куни 5 та ўйин ниҳоясига етди.

Фото: Twitter/@FCBarcelona

Диего Симеоне қўл остидаги Мадриднинг «Атлетико»си сафарда «Вальядолид» билан ўйнади.

Беллашувда томонлар гол ура олмади ва ўйин 0:0 ҳисобида якунланди.

Маълумот учун, «матрасчилар» 15 очко жамғарган ҳолда мусобақа жадвалида 3-ўринда бормоқда. «Вальядолид» эса 10 очко билан 13 ўринни банд қилиб турибди.

Шу куни Эрнесто Вальверде бошлиқ Каталониянинг «Барселона» клуби «Камп Ноу»да «Севилья»ни синовдан ўтказди.

Учрашув давомида «кўк-анорранглилар» вакиллари Луис Суарес (27), Артуро Видаль (32), Усмон Дембеле (35) ҳамда Лионель Месси (78) биттадан голга муаллифлик қилди.

Шу тариқа каталонияликлар ўз майдонида «Севилья» дарвозасига жавобсиз 4 та гол уриб, ғалаба қозонди.

Қайд этиш жоиз, баҳсда Каталония клуби сафида ўзининг дебют ўйинида майдонга тушган 20 ёшли уругвайлик Рональд Араухо (87) ва Усмон Дембеле (88) ҳакам томонидан қизил карточка билан жазоланди.

Ушбу ғалабадан сўнг «Барселона»нинг очкоси 16 тага етди ва жамоа мусобақа жадвалида 2-ўринга кўтарилиб олди. 6-ўринда бораётган «Севилья» ҳисобида эса 13 очко мавжуд.

8-турдан сўнг мусобақа жадвалидаги ҳолат:

Ла Лига

8-тур баҳслари

6 октябрь, якшанба

«Мальорка»—«Эспаньол» 2:0

Голлар: 1:0 — 37 Будимир, 2:0 — 73 Севилья

«Сельта»—«Атлетик» 1:0

Гол: 1:0 — 74 Аспас

«Вальядолид»—«Атлетико» 0:0

«Реал Сосьедад»—«Хетафе» 1:2

Голлар: 1:0 — 5 Мерино, 1:1 — 69 Мата, 1:2 — 89 Максимович

«Барселона»—«Севилья» 4:0

Голлар: 1:0 — 27 Суарес, 2:0 — 32 Видаль, 3:0 — 35 Дембеле, 4:0 — 78 Месси

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!