Россия нефтининг «Дружба» нефть қувурида нефтнинг ифлосланишини «Транснефть» компанияси вице-президенти Сергей Андронов ёқимсиз истисно деб атади. Бу ҳақда «РИА Новости» хабар берди.
Андроновнинг сўзларига кўра, айни пайтда бундай ҳодисаларнинг олдини олиш учун барча чоралар кўрилмоқда. Унинг қўшимча қилишича, жорий йил якунига кўра, компания Беларусга транзит қилинаётган нефть ҳажмини 6,4 миллион тоннага камайтиради.
Жорий йилнинг апрель ойида Беларусь орқали Европа мамлакатларига нефть экспорт қилинадиган «Дружба» нефть қувурлари тизимига хлоридлар билан ифлосланган нефть тушган. Бу жуда хавфли бўлиб, бундай шароитда қурилмаларни зарарловчи тузли кислота ҳосил бўлади. Натижада, бир нечта мамлакат, хусусан, Украина ва Польша нефтни қабул қилишни тўхтатишга мажбур бўлди.
Ифлосланиш Самара—Унеча участкасида юз берган. Ҳолат юзасидан жиноий иш қўзғатилган, олти киши бир миллион рубл қийматдаги нефть ўғирлаганликда ва хом ашёни ифлослаганликда гумонланмоқда. Ҳодисадан кейин Беларусь президенти Александр Лукашенко унинг мамлакати 20 миллион доллар миқдорида компенсация олиши мумкинлиги ҳақида маълум қилган.
Изоҳ (0)