Гонконг ҳукумати намойишлар вақтида ниқоб тақишни тақиқлаши мумкин

Гонконг ҳукумати оммавий норозилик намойишлари ёки акциялари давомида ниқоб тақишни тақиқлашни режалаштирмоқда, деб ёзади «Коммерсантъ».

Гонконг раҳбари Керри Лам ушбу тақиқ акс этган ҳужжат лойиҳасини 4 октябрь, жума куни Вазирлар Маҳкамаси муҳокамасига киритади.

Ҳукумат бунинг учун мамлакатда фавқулодда ҳолат режимини жорий этишни режалаштирмоқда. Ушбу ҳолат ҳукумат ваколатларини сезиларли даражада кенгайтиради. Гонконг ҳукумати ушбу усулдан ярим аср аввал фойдаланган эди. Фавқулодда ҳолат жорий этиш тўғрисидаги қонуннинг қабул қилиниши 1922 йилга, яъни Гонконг ҳали ҳам Британия колониясига айланган даврга тўғри келади.

Керри Лам аҳоли ва ҳукумат ўртасидаги зиддият кучайиши, бунинг оқибатида полициянинг намойишчиларга қарата ўқотар қуроллардан фойдаланиши фонида ушбу чорани қўллашга мажбур бўлди.