Gonkong hukumati namoyishlar vaqtida niqob taqishni taqiqlashi mumkin

Gonkong hukumati ommaviy norozilik namoyishlari yoki aksiyalari davomida niqob taqishni taqiqlashni rejalashtirmoqda, deb yozadi “Kommersant”.

Gonkong rahbari Kerri Lam ushbu taqiq aks etgan hujjat loyihasini 4-oktabr, juma kuni Vazirlar Mahkamasi muhokamasiga kiritadi.

Hukumat buning uchun mamlakatda favqulodda holat rejimini joriy etishni rejalashtirmoqda. Ushbu holat hukumat vakolatlarini sezilarli darajada kengaytiradi. Gonkong hukumati ushbu usuldan yarim asr avval foydalangan edi. Favqulodda holat joriy etish to‘g‘risidagi qonunning qabul qilinishi 1922-yilga, ya’ni Gonkong hali ham Britaniya koloniyasiga aylangan davrga to‘g‘ri keladi.

Kerri Lam aholi va hukumat o‘rtasidagi ziddiyat kuchayishi, buning oqibatida politsiyaning namoyishchilarga qarata o‘qotar qurollardan foydalanishi fonida ushbu chorani qo‘llashga majbur bo‘ldi.