2003 йилдан буён Тошкент шаҳрида замонавий бизнес марказ сифатида хизмат кўрсатиб келган, Ezidyor номи билан машҳур тўйхона бузилиши, йўқотилган мол-мулкка компенсация тўлаш масаласи ижобий ҳал этилди. Бу ҳақда Grand duet МЧЖ Ўзбекистон—Бирлашган Араб Амирлиги қўшма корхонаси раҳбари Шерзод Собировнинг сўзларига асосланиб, «Togri.uz» хабар берди.
Шерзод Собиров бошқарувидаги ресторан бузилиши ортидан ҳукуматнинг алоҳида баённомаси қабул қилинганди. Дастлаб тадбиркорга Тошкент шаҳридаги «Версал» ресторани таклиф этилди. Аммо қарийб 40 миллиард сўм тафовутга эга тўлов қобилиятига эга бўлмаган Grand duet МЧЖ раҳбари «Саёҳат» ресторанига қизиқиш билдирган.
Тошкент шаҳар ҳокими тадбиркор билан давом этаётган музокарага фаол киришиб, унга шу йилнинг 26 июль 3 хил таклифни билдирди: «Саёҳат» ресторанини қабул қилиш, 19 миллиард сўм атрофида компенсация пули ёки Тошкент шаҳри Нукус кўчасида жойлашган турар жой биносининг биринчи қаватидаги ер берилиши мумкин эди.
Тадбиркорнинг айтишича, ресторан аллақачон жамият номига расмийлаштирилган. Барча ҳуқуқий масалалар ортда қолган.
«Шаҳар ҳокимлигида 2,4 миллиард сўм ҳақим қолди. Аммо бу суммани ҳозир талаб қилмоқчи эмасман. Менимча, ҳокимлик билан мулоқотларни давом эттириб, келгусида компенсациянинг қолган қисмини бошқа қийматликлар кўринишида олишни ўйлаяпман», — дейди Шерзод Собиров.
Тадбиркор жорий йилнинг 1 сентябрь кунидан ресторан бошқарувини тўлиқ қўлга олган. Шу вақтга қадар «Саёҳат» ресторани давлат балансида бўлган.
Изоҳ (0)