Фарғона вилояти ҳокими Шуҳрат Ғаниевнинг масаласи Сенатда кўрилиши кутилмоқда

Фарғона вилояти ҳокими Шуҳрат Ғаниевнинг масаласи бугун, 30 сентябрь куни бўлиб ўтадиган Ўзбекистон Республикаси Сенатининг йиғилишида кўтарилади. Бу ҳақда «Дарё»га ўз манбалари маълум қилди.

Аввалроқ, Фарғона вилояти ҳокими соқол, рўмол ва иш жойларида намозга қарши чиқиб, бунга бўйсунмаганларни қамаш билан таҳдид қилгани ёзилган аудио тарқалган эди. Шунингдек, Фарғона вилояти ҳокими селектор давомида турк инсвесторининг соқолини олишни буюриб, кимлар депутат бўлишини очиқлаган, вилоятдаги иш жойларида намоз ўқишга шароит яратиладиган ҳолатлар аниқланса, ўша корхона раҳбарига жиноят иши очилишини маълум қилганди.

Шунингдек, Шуҳрат Ғаниев олдида ким бўлишидан қатъий назар рўмол ўраб олган аёлга кўзи тушса, унинг рўмолини ўша туман ҳокими оғзига тиқиб қўйиш билан таҳдид қилган.

Фарғона вилояти ҳокимлиги матбуот хизмати Шуҳрат Ғаниевнинг тарқалган аудиоси бўйича расмий баёнот бериб, ҳокимнинг сўзлари нотўғри талқин қилинганлигини билдирган эди.

Танзила Норбоева Facebook’даги саҳифасида Фарғона вилояти ҳокими, сенатор Шуҳрат Ғаниевнинг ижтимоий тармоқларда тарқалган нутқи 2 кундан буён жамоатчилик томонидан қизғин муҳокама қилиб келинаётгани ҳақида ёзиб, бугун, 30 сентябрь куни ҳоким хатти-ҳаракатлари юзасидан Олий Мажлис Сенатининг Регламент ва одоб комиссияси йиғилиши ўтказилишини маълум қилди.

https://www.facebook.com/narbaevatanzila/posts/387095625290725?__xts__%5Б0%5Д=68.АРДИМфЕ2CдwРК7фи-ҳТЖ_ЭЙХмОккЙИСNNЖЗЗа-ҚУТгЖқВМЙЖлЕжwПфҳ9вЕп3УПВЗбОБГРоо92жмттВРт_wсТО4Рги7ҚмСқС_Гбп8ннЗмФҳхлпдЛРФ0У1УТкй-йПЖ_ПЕнж8Cнх7ҲCкрДнУ6қҳеслҳйОз0лаҳсгТгпхлҲрДпеобхЗжcзг5_Р6Т_вт2ҳ80ЗфАЭпИнби7ҚАқ_ЙгйМЖ8дИА2оМқГЁПХд-пнпҚИХВсИдТИсвЖИCКУгХф8тфйФи7ГПcсWЕЖе4ОWОт3АҳжқРCwйМҳрcC8Х1ccИиу4сржВ3бРЛ7о9жБ-афезРқДИ4рIQфМНФзЛТБқдХҲес6қдФЖф9Т3жН4о&__tn__=-R

Telegram’даги Давлетовуз канали эса ҳокимларни ишдан бўшатиш, лавозимига тайинлаш Президентнинг ваколатига киришини эслатиб ўтган.