Avvalroq, Farg‘ona viloyati hokimi soqol, ro‘mol va ish joylarida namozga qarshi chiqib, bunga bo‘ysunmaganlarni qamash bilan tahdid qilgani yozilgan audio tarqalgan edi. Shuningdek, Farg‘ona viloyati hokimi selektor davomida turk insvestorining soqolini olishni buyurib, kimlar deputat bo‘lishini ochiqlagan, viloyatdagi ish joylarida namoz o‘qishga sharoit yaratiladigan holatlar aniqlansa, o‘sha korxona rahbariga jinoyat ishi ochilishini ma’lum qilgandi.
Shuningdek, Shuhrat G‘aniyev oldida kim bo‘lishidan qat’iy nazar ro‘mol o‘rab olgan ayolga ko‘zi tushsa, uning ro‘molini o‘sha tuman hokimi og‘ziga tiqib qo‘yish bilan tahdid qilgan.
Mavzuga doir: Rasmiy bayonot: Farg‘ona viloyati hokimligi Shuhrat G‘aniyevning so‘zlari noto‘g‘ri talqin qilinganligini bildirdi
Tanzila Norboyeva Facebook’dagi sahifasida Farg‘ona viloyati hokimi, senator Shuhrat G‘aniyevning ijtimoiy tarmoqlarda tarqalgan nutqi 2 kundan buyon jamoatchilik tomonidan qizg‘in muhokama qilib kelinayotgani haqida yozib, bugun, 30 sentabr kuni hokim xatti-harakatlari yuzasidan Oliy Majlis Senatining Reglament va odob komissiyasi yig‘ilishi o‘tkazilishini ma’lum qildi.
https://www.facebook.com/narbaevatanzila/posts/387095625290725?__xts__%5B0%5D=68.ARDIMfE2CdwRK7fi-hTJ_EYXmOkkYISNNJZZa-QUTgJqVMYJlEjwPfh9vEp3UPVZbOBGRoo92jmttVRt_wsTO4Rgi7QmSqS_Gbp8nnZmFhxlpdLRF0U1UTky-yPJ_PEnj8Cnx7HCkrDnU6qheslhyOz0lahsgTgpxlHrDpeobxZjczg5_R6T_vt2h80ZfAEpInbi7QAq_YgyMJ8dIA2oMqGYoPXd-pnpQIXVsIdTIsvJICKUgXf8tfyFi7GPcsWEJe4OWOt3AhjqRCwyMhrcC8X1ccIiu4srjV3bRL7o9jB-afezRqDI4rIQfMNFzLTBqdXHes6qdFJf9T3jN4o&__tn__=-R
Telegram’dagi Davletovuz kanali esa hokimlarni ishdan bo‘shatish, lavozimiga tayinlash Prezidentning vakolatiga kirishini eslatib o‘tgan.
Izoh (0)