Мажбурий ижро бюроси Термиз шаҳар бўлимига 1 сентябрга қадар юридик шахслардан солиқ ва бошқа мажбурий тўловларни ундириш билан боғлиқ жами 187 та яъни 18 миллиард 843 миллион сўмлик иқтисодий судлар ижро ишлари келиб тушган. Бу ҳақда Мажбурий ижро бюроси матбуот хизмати «Дарё»га хабар берди.
Маълум қилинишича, МИБ томонидан 12 миллиард 436 миллион 374 минг сўм солиқ қарзлари ундирилган. Шунингдек, юридик шахслар имконияти йўқлиги сабаб 1 миллиард 421 миллион 643 минг сўмлик ижро ҳужжатини ундириб бўлмагани учун «Суд ҳужжатлари ва бошқа органлар ҳужжатларини ижро этиш тўғрисида»ги қонуннинг 40-моддаси талаблари асосида қайтарилган ҳамда битта ижро иши суд қарори билан бекор қилинган.
Термиз шаҳридаги қарздор юридик шахслардан солиқ ва бошқа мажбурий тўловларни ундириш бўйича 12 та корхонанинг кўчмас-мулки ва авторанспорт воситаси хатланиб, «Э-Ижро аукцион» ягона электрон савдо майдончасига 8 турдаги 2 миллиард 850 миллион сўмлик кўчмас мулк ва автотранспорт воситалари сотувга чиқарилган.
Изоҳ (0)