Бош прокуратура ҳузуридаги Мажбурий ижро бюроси Фарғона вилояти Фурқат туман бўлими иш юритувига қарздор З.А. исмли аёл ва қўшимча жавобгар М.А. (З.А.нинг синглиси)дан «Қишлоққурилишбанк» Қўқон филиали фойдасига 109 315 100 сўм кредитдан қарздорликни ундириш бўйича ҳужжат келиб тушган.
Суд ҳужжатига кўра, ундирувни З.А.нинг синглиси М.А.га тегишли намунавий лойиҳа асосида қурилган ҳовли-жойга қаратиш белгиланган. Давлат ижрочиси томонидан мажбурий ижро ҳаракатлари олиб борилиб, гаровга қўйилган уй-жой хатланиб, шу йилнинг 11 апрель куни «Э-ижро»электрон-онлайн аукцион савдо майдонига сотиш учун киритилган.
Гаровга қўйилган уй-жой 12 сентябрда аукционда сотилиб, тушган маблағ З.А.нинг банк олдидаги қарздорлигини қоплашга қаратилиб, суд қарори ижроси тўлиқ таъминланган.
Изоҳ (0)