Тошкент вилояти божхона бошқармасига қарашли «Яллама» чегара-божхона постига туташ ҳудудда 5 август куни ДХХ ва Давлат божхона қўмитаси ҳамкорлигида ўтказилган тезкор тадбир давомида жисмоний шахслар ва божхона ходимларидан иборат жиноий гуруҳ фаолияти фош этилган эди.
Мавзуга доир: «Яллама» постида ҳайдовчилар ва тадбиркорлардан пора олиб келган жиноий гуруҳ фаолияти фош қилинди
Хабар беришларича, ҳозирда мазкур ҳолат юзасидан Жиноят Кодексининг тегишли моддаларига мувофиқ жиноят иши қўзғатилиб, тергов ҳаракатлари олиб борилмоқда. Айни вақтда тергов органлари ушбу жиноий гуруҳ аъзоларидан жабр кўрган фуқароларнинг алоқага чиқишини сўрамоқда.
«Ҳурматли фуқаролар! Агарда Сиз ушбу жиноий гуруҳ аъзоларидан жабр кўрган бўлсангиз, (+99871) 259-35-40, (+99890) 950-04-40, (+99897) 443-00-22 телефон рақамларига мурожаат қилишингизни сўраймиз», — дейилади мурожаатда.
Изоҳ (0)