Toshkentda Open Air konserti sabab Navoiy teatri atrofidagi yo‘llar yopiladi

Toshkentdagi Alisher Navoiy nomidagi O‘zbekiston davlat katta teatri oldida 20—21-sentabr kunlari soat 19:30 da Open Air—2019 simfonik musiqa konsert dasturi bo‘lib o‘tadi.

Shu munosabat bilan, Toshkent shahar hokimligi matbuot xizmatidan ma’lum qilishlaricha, 20—21-sentabr kunlari soat 17:00 dan 23:00 gacha quyidagi ko‘chalar barcha turdagi transport vositalari harakati uchun vaqtincha yopiladi:

• Matbuotchilar ko‘chasining Zarafshon ko‘chasidan Buyuk Turon ko‘chasigacha bo‘lgan qismi;
• Buyuk Turon ko‘chasining Matbuotchilar ko‘chasidan Islom Karimov ko‘chasigacha bo‘lgan qismi;
• Islom Karimov ko‘chasining Zarafshon ko‘chasidan Buyuk Turon ko‘chasigacha bo‘lgan qismi;
• Zarafshon ko‘chasining Matbuotchilar ko‘chasidan Islom Karimov ko‘chasigacha bo‘lgan qismi;
• Buxoro ko‘chasining Zarafshon ko‘chasidan Buyuk Turon ko‘chasigacha bo‘lgan qismi.