АҚШ Давлат котиби Майк Помпео Қўшма Штатларнинг ракетага қарши мудофаа воситалари Саудия Арабистони нефть объектларини дронлар ҳужумидан ҳимоя қилолмаганига изоҳ берди. Бу ҳақда «Коммерсантъ» маълум қилди.
«Бу биз шу пайтгача кўрмаган кўламдаги ҳужум. Буни уруш деб ҳам аташ мумкин. Биз инфраструктура ва ресурслар бу каби ҳужумлар муваффақиятли амалга ошиши эҳтимоли камроқ бўлган тарзда жойлашганига ишонч ҳосил қилишни истаймиз», — деди Помпео.
AP агентлигига кўра, Саудия Арабистонида Қўшма Штатларнинг бир неча Patriot — ракетага қарши мудофаа воситаси мавжуд. Улар душман самолётлари ёки кичик масофадаги ракеталари ҳужумига қарши туриши мумкин, бироқ катта ҳудудни ҳимоя қилишга қодир эмас.
Шунингдек, АҚШ ракетага қарши мудофаа воситалари ҳужум қилинган объектларга яқин турган ёки йўқлиги ҳам маълум эмас.
Изоҳ (0)