AQSh Davlat kotibi Mayk Pompeo Qo‘shma Shtatlarning raketaga qarshi mudofaa vositalari Saudiya Arabistoni neft obyektlarini dronlar hujumidan himoya qilolmaganiga izoh berdi. Bu haqda “Kommersant” ma’lum qildi.
“Bu biz shu paytgacha ko‘rmagan ko‘lamdagi hujum. Buni urush deb ham atash mumkin. Biz infrastruktura va resurslar bu kabi hujumlar muvaffaqiyatli amalga oshishi ehtimoli kamroq bo‘lgan tarzda joylashganiga ishonch hosil qilishni istaymiz”, — dedi Pompeo.
AP agentligiga ko‘ra, Saudiya Arabistonida Qo‘shma Shtatlarning bir necha Patriot — raketaga qarshi mudofaa vositasi mavjud. Ular dushman samolyotlari yoki kichik masofadagi raketalari hujumiga qarshi turishi mumkin, biroq katta hududni himoya qilishga qodir emas.
Shuningdek, AQSh raketaga qarshi mudofaa vositalari hujum qilingan obyektlarga yaqin turgan yoki yo‘qligi ham ma’lum emas.
Izoh (0)