Ахборот ва оммавий коммуникациялар агентлигида 10 сентябрь куни Марказий банк ва Банклар ассоциацияси мутасаддилари иштирокида «Банк хизматлари оммабоплигини ошириш бўйича қўшимча чора-тадбирлар тўғрисида»ги Президент қарори ижроси юзасидан брифинг бўлиб ўтди. Бу ҳақда АОКА матбуот хизмати хабар берди.
Қарорда белгиланган вазифалар ижросини таъминлаш мақсадида Марказий банк томонидан 8 та қонун ва қонуности ҳужжатларга тегишли ўзгартиришлар киритилди. Шунингдек, мижозларга қулайлик яратиш мақсадида, 2018 йил 1 июлдан бошлаб барча банкларнинг хизмат кўрсатиш ҳудудига шахсни тасдиқловчи ҳужжатсиз кириш мумкинлиги белгиланди.Брифингда, шунингдек, метролар ва шаҳарнинг айрим жойларида ўрнатилган банкоматларнинг ишламаслиги, бу борада ким масъул экани ва учраётган муаммоларни бартараф қилиш борасида қандай чоралар кўрилаётгани ҳақида ҳам тўхтаб ўтилди.Ориф Бўтаев, Марказий банк раиси ўринбосари
Бугунги кунда 600 дан ошиқ банкомат 24/7 режимида ишлайди. Ҳали ишга туширилмаган, лекин ўрнатилган банкоматларимиз сони ҳам анча. Метроларда банкоматларнинг ишламаслиги техник сабабларга боғлиқ бўлиши мумкин. Яъни алоқа каналлари ўрнатиш ишларини йўлга қўймоқдамиз ва бу борада метрополитен билан ҳамкорликда чоралар кўрилмоқда. Лекин алоҳида таъкидлаб айтаман, савдо марказлари ва банк яқинига ўрнатилган барча банкоматлар кечаю кундуз ишлаб турибди.Унинг айтишича, шу каби муаммоларни бартараф этиш мақсадида марказлашган мониторинг тизими ўрнатилмоқда. Унда ҳар бир ўрнатилган банкоматлар масофадан туриб назорат қилинади.Дилшод Икрамов, Марказий банк тўлов тизимлари ва ахборот технологиялари департаменти директори
Изоҳ (0)