Халқаро даражадаги триатлончи, Ironman триатлон мусобақаларининг ўн карра ғолиби Виктор Земцев Ўзбекистон триатлон терма жамоасига мураббий этиб тайинланди. Бу ҳақда Ўзбекистон триатлон федерацияси матбуот хизмати маълум қилмоқда.

Фото: Триатлон федерацияси матбуот хизмати

Виктор Земцев – МДҲ ҳудудидаги энг машҳур триатлет, триатлон бойича халқаро тоифадаги спорт устаси. Илгари у «Z Iron Team» жамоаси бош мураббийи ва «РедЛава» жамоасининг сардори болган. Донецк жисмоний тарбия ва спорт институтининг битирувчиси.

Ҳозирда Земцев махсус машғулот дастурини олиб бормоқда ва терма жамоага саралаш учун спортчиларнинг фаолиятини батафсил ўрганиб чиқмоқда. Унинг раҳбарлиги остида ўзбекистонлик спортчилар 15 августдан 8 сентябргача Францияда ўқув-машғулот йиғинларида иштирок этди.

Ўқув-машғулот дастури режа асосида олиб борилмоқда. Спортчилар натижаларни яхшилаш учун кучли интилишга эга, баъзида машғулотларни ҳатто секинлатиб туришга ҳам мажбур бўляпмиз. Шу ойда, ўқув-машғулот йиғинидан кейин иккита мусобақа старт олиш режалаштирилган: Иорданиянинг Акаба шаҳридаги мусобақалар ва Ўзбекистон кубогининг финал босқичи. Ушбу мусобақалардан сўнг Ўзбекистон терма жамоаси шакллантирилади. Ўйлайманки, жамоа йил давомида ўзгариши билан бир қаторда, тўлдирилади, чунки эришилган натижаларнинг ўзида тўхтаб қолмаслик керак. Ҳозир мен 10 нафар спортчи билан ишлаяпман ва албатта, мамлакат миқёсида бу етарли эмас «Бугунги кунда устувор вазифа – биринчи навбатда Осиё кубоги ва чемпионати даражасидаги ютуқлардан бошлаб халқаро майдонга чиқиш.

Виктор Земцев, триатлон бўйича Ўзбекистон терма жамоаси мураббийи

Янада кўпроқ триатлон ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!