Австриялик рассом стадион ичида ўрмон яратди (фото)

Клаус Литтманн исмли рассом Клагенфуртдаги стадионни Австриянинг энг йирик оммавий санъат иншоотига айлантирди, деб хабар беради TJournal.

Макс Пейнтнернинг қаламда чизган «табиатга чексиз жалб қилиш» сурати унинг учун илҳом манбаси бўлиб хизмат қилди. Ушбу суратда ўрмон кўргазма объекти сифатида тасвирланган.

Расмнинг ғояси табиатнинг табиий ҳолатида нозиклигини эслатиш эди.

Литтман, шунингдек, ўз лойиҳасини «Табиат биз учун махсус ажратилган жойларда ҳам топилиши мумкин» деган огоҳлантириш сифатида кўради.

Вёртерзе-Штадион футбол стадионида рассом суратини ҳаётга татбиқ этди. Ушбу лойиҳа беш нафар ҳомий томонидан молиялаштирилди. Уларнинг ҳар бири лойиҳага беш минг евродан маблағ ажратди.

Ҳомийлар миннатдорлик тариқасида Литтманн ва Пейнтнер томонидан чизиб, имзоланган суратларга эга бўлди.

Стадионда ҳаммаси бўлиб 300 та табиий дарахт жойлаштирилган бўлиб, Марказий Европа учун хос бўлган қуюқ ўрмонни эслатади.

Ўрмонни яратишда рассомга ландшафт архитектори Энцо Энеа ёрдам берди. Лойиҳа якунлангач, ҳамма дарахтлар стадион яқинидаги ҳудудга қайта ўтқазилади.

Иншоот ташриф буюрувчилар учун 27 октябрга қадар очиқ бўлади. Стадионга кириш бепул.