Таиланд туризм вазирлиги шу йил май ойида эълон қилинган сайёҳлик солиғи жорий этилишини тўхтатиб туришга қарор қилди.
Тушумлари кўп ташриф буюриладиган туристик объектларни сақлашга сарфланадиган янги солиқ ва сайёҳларнинг бахтсиз ҳодисалардан мажбурий суғуртаси хорижликлардан 2019 йил охири — 2020 йил бошидан бошлаб ундирилиши кўзда тутилганди.
Бироқ 2019 йил ўртасида кузатилган туризм секторидаги пасайиш, хусусан, Хитойдан сайёҳлар оқими камайгани (охирги бир неча ойда 3 фоизга) мамлакат расмийларини янги солиқ жорий этишни тўхатиб туришга мажбур қилди.
Туризм секторидаги пасайишнинг асосий сабаби сифатида Таиланд миллий валютасининг қиймати ошиб бораётгани кўрилмоқда. Мамлакатда ярим йилдан бери алмашув курси 1 АҚШ доллари учун 31—30 батни ташкил этмоқда.
Изоҳ (0)