Маълум бўлишича, жабрланувчиларнинг бири — Оқдарё туман қишлоқ хўжалик бўлими иқтисодчиси Ж.Р.; қолган икки жароҳатланганлар — Н.Ш. ва Ҳ.У. туман ҳокимлиги қишлоқ хўжалик бўлимида жойлашган «Агробанк»нинг туман филиалида ишлаган.
— Тан жароҳати билан шифохонага келтирилган 1963 йилда туғилган Ж.Р. қорин олдинги деворига санчиб тешиб ўтувчи жароҳат билан келган. Лапротомия операцияси ўтказилган. Ҳозирда аҳволи яхшиланган. 1982 йилда туғилган Ҳ.У. қорин олдинги девори кесиб йиртилган жароҳат билан келтирилган. Унинг жароҳат тикилиб, травматология бўлимига ётқизилган. 1987 йилда туғилган Ш.Н. чап елка соҳаси санчиб кесилган жароҳат билан келтирилган. Амбулатор ёрдам кўрсатилиб, уйига жавоб берилган, — деди Самарқанд вилоят соғлиқни сақлаш бошқармаси ахборот хизмати раҳбари Элдор Муҳаммадиев.
Маълумотларга кўра, фуқароларга тан жароҳати етказган шахс қўлга олинган. Бироқ мазкур ҳолат юзасидан ҳозирча вилоят ИИБ ҳеч қандай муносабат билдиргани йўқ.
Изоҳ (0)