Livan hukumati mamlakatda favqulodda iqtisodiy holat e’lon qildi. Bu haqda Livan prezidentining saytiga tayanib, “RBK” xabar berdi.
Bu kabi qaror Livan Markaziy banki rahbari hamda livanlik siyosatchilar o‘rtasida bo‘lib o‘tgan uchrashuvdan so‘ng qabul qilingan. Prezident Mishel Aun siyosiy va shaxsiy kelishmovchiliklarni “oliy qadriyatlar sabab” chetga surishga chaqirdi.
Bosh vazir Sa’d Haririyning aytishicha, yangi budjet rejasi keyingi hafta taqdim etiladi. Uning so‘zlariga ko‘ra, siyosatchilar mamlakatdagi vaziyatni nazorat qilish bilan shug‘ullanuvchi maxsus qo‘mita yaratishga ham kelishib olgan.
Bosh vazirning so‘zlariga ko‘ra, Livanda yangi pensiya tizimi yaratilib, davlat sektoridagi bandlik muzlatiladi. Amaldorlar davlat va xususiy sektor hamkorligi orqali qarzdorlik darajasini pasaytirish ustida ishlaydi.
Associated Press agentligining ta’kidlashicha, Livan hukumati joriy yilda budjet yetishmovchiligini 7,6 foiz YaIMga, 2020-yilda esa 6,5 foizga qisqartirishni reja qilmoqda.
Izoh (0)