«Ливерпуль» футбол бўйича Англия Премьер Лигасининг 4-тури доирасида сафарда «Бёрнли» устидан 3:0 ҳисобида ғалабага эришди.
Ўйиннинг 80-дақиқасида «қизиллар» сафида Роберто Фирмино ўз номига битта гол ёздириб қўйди.
27 ёшли футболчи шу тариқа мусобақа тарихида 50 та гол урган бразилиялик илк футболчига айланди.
Маълумот учун, Фирмино «Ливерпуль»да 2015 йилдан бери фаолият олиб боради. У жорий мавсум Англия чемпионатида 2 та гол уриб, 2 та голга ҳаммуаллифлик қилишга улгурди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)