Макгрегор, Порье, Фергюсон ва фаолиятини якунлаш ҳақида. Ҳабиб Нурмагомедов билан катта интервью

UFC’нинг енгил вазндаги чемпиони Ҳабиб Нурмагомедов ESPN нашрига берган интерйвусида рақиблари ва келажаги борасидаги саволларга атрофлича жавоб қайтарди.

Конор Макргегор билан жанг ҳақида

Ўзим нимани хоҳлаган бўлсам, шуни қилдим деб ўйлайман. Агар жангдан олдин айтган сўзларимни эсласангиз, мен Конорни чарчашга ва таслим бўлишга мажбур этишимни таъкидлагандим. Ҳаммасини бажардим. Мен уни иккинчи раунддаёқ нокаутга учратмаганимдан мамнунман. Агар шундай бўлганида одамлар бу ишимни омадга боғлаган бўларди. Жанг тугаган, аммо ҳамма нарса ҳали якунига етмади. Унинг бурнини ерга ишқаб қўйдим, бироқ бу жуда ҳам кам. Унинг бутун жамоасини барбод қилишим керак. Жангдан олдин ҳам шундай ўйлагандим. Мен жамоамга жангга эмас, балки уруш учун рингга чиқишимизни айтгандим. Якуний нуқта ҳали қўйилмади. Агар биз тўсатдан кўришиб қоладиган бўлсак ҳам 100 фоиз жанжал бўлади. Кимдир қамоқхонга йўл олади. Бу мени қўрқитаётгани йўқ. Агар кимдир қамоққа йўл олиши керак бўлса, у ҳолда у аниқ Конор бўлади. Шоуда ким бошлиқ? Биз. Биз уни ва жамоасини тор-мор қилдик. Уларга шифохонага, биз эса полицияга йўл олдик.

Рақибга бўлган муносабати ҳақида

Рақибим билан ўртамизда қандайдир муаммо бўлса, бу ҳолат менга ёқади. Лекин бу— спорт. Бизни кўпчилик, шу жумладан, болалар ҳам кузатади. Шундай экан, энг асосийси рақибга ҳурмат кўрсатиш ва яхши жанг ўтказиш. Макгрегор жамоаси кайфиятимни ҳар хил гап-сўзлар билан бузиш мумкин деб ўйлаганди. Аммо бу бефойда уриниш эди. Улар мени синдира олмади. Мен бу нарсани бутун фаолиятимда, 27 та жангдан бери кўрсатиб келмоқдаман.

Фаолияти, келажакдаги режалари ҳақида

Ҳамон ғалабаларга ўчман. Курашишни ва ғалаба қозонишни истайман. Ҳозир эса камида иккита жанг ўтказишни режалаштирганман. Балки, 1 йилда 2 марта жанг қиларман. Кейин нима қиламан? Ҳозирча билмайман. Ёки бизнес билан шуғулланарман. Оилам билан вақт ўтказаман. ММАъдаги дўстларимга ёрдам бераман. Одамлар шуғулланиши учун заллар қураман.

Тони Фергюсон ҳақида

Бу жуда ҳам қизиқ жанг бўлади. Дастин билан жангдан сўнг Тони билан курашаман. Бу жангни ўтказишни жуда ҳам хоҳлайман. Аммо турли жароҳатлар сабаб ушбу жангни ташкил этишда бизга ҳозирча омад кулиб боқмаяпти. Бу тўқнашув Корме—Жонс ёки менинг Конор билан бўлиши мумкин бўлган иккинчи жангимдан ҳам каттароқ масштабда бўлади.

Дастин Порье ҳақида

Дастин менга қарши жанг учун даъвогар бўлмагунга қадар у ҳақида ўйлаб ҳам кўрмаганмиз. Аммо унининг фаолиятини анчадан бери кузатиб келаман. Ўйлашимча, биз UFC’га деярли бир вақтда кириб келганмиз. У енгил вазнга кириб келиб, икки яхши жангчини мағлуб этгандан сўнг бир кун келиб биз учрашишимиз мумкинлиги ҳақида ўйлагандим. Дастин Макс Ҳоллоуэйга қарши жангида мени ҳайрон қолдирди. Макснинг ғалаба қозонишини кутгандим. Бироқ Дастин яхши тарафларини кўрсатиб ғалаба қозонди. Энди эса биз у билан жанг ўтказамиз. Менинг унга рақиб бўлганлардан фарқим нимада? Эдди Альварес, Энтони Петтис, Жастин Гетжи, Макс Ҳоллоуэй ва Жимми Миллер. Уларнинг ҳеч бир мендек жанг қила олмайди. Мен унга босим қилишда давом этаман. У эса мен билан бутун 25 дақиқа давомида жанг қилишга мажбур бўлади. Юқоридаги рақибларга қарши баҳсда унга фақат кикбоксинг керак бўлганди. Менга қарши эса у курашишга мажбур бўлади. У бунга тайёр деб ўйламайман. Албатта, жангда ҳамма нарса бўлиши мумкин. Аммо у ҳақиқий нокаутчи эмас. Боксда жуда яхши ва ҳатто у мени оёқдаги, қўлдаги зарбаларда тута олса ҳам олға боришда давом этаман.

Ҳабиб Нурмагомедов, UFC жангчиси