29 август куни бўлиб ўтган матбуот анжуманида Murad Buildings ва Özgüven қурувчи-компаниялари вакиллари улкан объектнинг муфассал архитектураси режасини тақдим этар эканлар, бино қурилишининг янги тафсилотлари, биринчи осмонўпар бинонинг ноёб афзалликлари ва нуфузли турар жой сотувларининг бошланиши ҳақида сўзлаб бердилар.
Тақдимот вақтида мамлакатдаги биринчи осмонўпар бинонинг расмий номи — Nest One эканлиги эълон қилинди, бу ном лойиҳанинг «осмон барча учун» дея тан олинган концепциясидан келиб чиққан. Nest One номи, шунингдек, ўзида унда яшовчилар ва уларнинг меҳмонлари учун шинамлик ва ишончли «уя» тимсолини мужассамлаштирган. Офислар, ресторанлар, спорт зоналари ва бошқа жамоат ҳудудларидан ташқари, бўлғуси осмонўпар бинода «люкс» классидаги 746 та хонадон қурилиши лойиҳаланган. Қуйи қаватларда автомобиллар тураргоҳлари кўзда тутилган. Ўзбекистоннинг энг баланд ва кўп функцияли биносида кўчмас мулкни сотиш 2019 йилнинг 14 сентябрида бошланади.
Бўлғуси осмонўпар бино 51 қаватдан иборат бўлади ва у 266,5 метр баландликка кўтарилади. Ушбу бино қулай ва нуфузли ҳаёт кечириш учун зарур барча қулайликларга эга. Бинонинг дастлабки лойиҳаси 215 метрга тенг деб эълон қилинганди, лекин грунт таҳлили ва Германия ҳамда Туркияда ўтказилган бир қатор симуляциялардан сўнг, бино баландлиги 266,5 метргача оширилди, бу матбуот ходимлари билан ўтказилган аввалги учрашувда айтилганидан баландликдан 51,5 метр баландроқдир. Очиқ ҳавода Nest One’нинг юқори қаватларида 100 кмга яқин радиусда кенг уфқ манзараси очилади. Дастлабки ҳисоб-китобларга қараганда осмонўпар бинонинг қурилишини ниҳоясига етказиш ва турар жой, амалий ва жамоат зоналарини ободонлаштириш 2021 йилнинг декабрь ойига режалаштирилган.
Мурод Назаров — Murad Buildings асосчиси ва раҳбари, Угур Озер Озгювен – Özgüven Architecture архитектура бюроси директори ва Özgüven Озгюр Онур Озгювен директорлар кенгаши раиси таклиф қилинган меҳмонларга лойиҳалашдаги, дизайндаги янги тафсилотлар ва бўлғуси осмонўпар бинонинг хавфсизлиги тўғрисида сўзлаб бердилар.
Мурод Назаров: Nest One Ўзбекистондаги энг баланд бино бўлибгина қолмай, ушбу бинода барча истиқомат қилувчилар учун ўйлаб топилган ажойиб архитектура ечимлари ва сифатнинг барча жаҳон стандартларига жавоб берадиган инфратузилмаси туфайли қулайликнинг янги даражасини тақдим этади», - дея таъкидлади.
«Шуни ишонч билан айтаманки, биз ҳақиқатан ҳам Ўзбекистон учун мисли кўрилмаган тавсифлар ва қулайликларга эга бўлган ноёб бинони қурамиз. Биз ҳаммамиз бутун шаҳар бўйлаб қанча кўп уйлар ва турар жой комплекслари қурилаётганига гувоҳмиз. Лекин бугун истеъмолчи анча талабчан бўлиб қолди ва борган сари ўзининг шахсий вақтини фойдали ўтказишни истаб, уни янада қадрлай бошлади. Маълум нуқтаи назардан биринчи бўлган Nest One лойиҳаси бундай имкониятни тақдим этади.
Сизнинг, албатта, шаҳар бўйлаб «майдони 3 000 м2 ли квартиралар» деган ёзувли билбордларга кўзингиз тушган ва бу нима дегани экан, деб ўзингизга савол бергандирсиз. Айнан ана шу 3 000 квадрат метр Nest One’нинг ноёб ўзига хослиги ҳисобланади. Бу майдон 33 та жамоат маконига тақсимланган бўлиб, улар орасида меҳмонлар учун хоналар, конференс-ҳоллар, SPA салон, фитнесс-марказ, кинотеатр, болалар учун ўйин зоналари, бассейн, лаунж-зона, кўриш майдончаси, омонат сақлаш камералари, кутубхона ва коворкинг-маркази бор. Буларнинг барчаси бир ярим гектарга яқин ягона ҳудудда жойлашган бўлиб, ундан ягона бошқарув тизими доирасида барча шу бинода истиқомат қилувчилар фойдалана оладилар.
Тошкентда бугунги кунда баланд бинолар қурилиши шаҳарда ер ресурсларининг чекланганлиги ва кўчмас мулк бозорининг жадал ривожланиши каби омиллар билан боғлиқ бўлиб, бунда одамлар юқори қаватларнинг афзаллигини тушуна бошладилар. Ва агар илгари бизнинг мижозларимиз 1, 2, 3-қаватлардаги квартираларни жон деб сотиб олган бўлсалар, ҳозир уфқ, бепоён кенгликлар кўриниб турадиган ва ҳаво тозароқ бўлган юқори қаватларни афзал кўрадиган бўлдилар», – дея қайд қилди Мурод Назаров.
Якка тартибда бино қурувчиларнинг сўзларига қараганда, баланд бинолар аксарият ҳолларда шаҳар типидаги бинолар ўртасида энг хавфсизларидан бири ҳисобланади, чунки улар тупроқни ўрганишдан бошлаб, лойиҳалаш, қуриш ва фойдаланишга топширишгача бўлган барча босқичларда жуда қаттиқ назорат остида бўлади. Бутун дунёда йил сайин осмонўпар бинолар атмосфера ўзгаришларига ва ер силкинишларига бардош бўлиб бормоқда. Nest One биносини лойиҳалашда Тошкент шароитида юзага келиши мумкин бўлган барча хавфлар ҳисобга олинган. Осмонўпар бинонинг барча параметрлар бўйича ишончлилик кўрсаткичлари жуда юқори.
Ҳафтада 7 кун, суткада 24 соат бино хавфсизлик хизмати муҳофазаси ва видеокузатув камералари остида бўлади. Бундан ташқари, барча истаганлар учун уйни масофадан бошқариш тизими ўрнатилади, унинг ёрдамида уйда дазмол ўчирилганми-йўқми, бошқа электр асбоблар ишлаяптими-йўқми кабиларни текшириш, хонадонга қайтишдан олдин кондиционерни ёқиб қўйиш ва бошқа кўплаб ишларни бажариш мумкин. Комплекснинг маиший, коммунал ва техник ҳолатини кузатиб турадиган бошқарувчи компанияга тааллуқли музокаралар олиб борилмоқда.
Угур Озер Озгювен – бир жамоа бўлиб Nest One лойиҳасини лойиҳалаштирган архитекторлар гуруҳи раҳбари ҳам ўзининг фикрлари билан ўртоқлашди:
«Биз бинони модерн стилида лойиҳаладик: унинг дизайни ва шакллари фойдаланишда кўзни қувонтирадиган эргономикани ва эстетикани таъминлашга мўлжалланган. Nest One’да ҳатто майдони кичик хонадонни сотиб олар экансиз, нафақат турар жой маконига эга бўласиз, балки 5 юлдузли меҳмонхона даражасидаги қулайликларни таъминлайдиган жуда кўплаб зоналардан фойдаланиш имкониятини ҳам қўлга киритасиз. Nest One доирасида ўз ҳоҳишларига кўра мулк эгалари фойдаланиши мумкин бўлган ҳудуд учун ажратдик. Масалан, бу ерда улар оиласи ва меҳмонлари билан биргаликда кечки шаҳар манзарасидан баҳра олиши, кечки югуришни амалга ошириши ёки ресторанда кечки овқатни тановул қилиши мумкин. Бу уйда истиқомат қилувчиларнинг уйдан чиқишга деярли эҳтиёжи бўлмайди, ахир комфорт билан ҳаёт кечириш учун зарур барча нарса бинонинг ўзида мужассам», — дейди жаноб Озгювен.
«Биномизнинг барча конструксиявий ҳисоб-китоблари, шунингдек ер силкинишларида мустаҳкамлигини синаш ишлари тугалланган, - дейди, Özgüven директорлар кенгашининг раиси Озгюр Онур Озгювен. – Биз ер силкинишига қарши бардошлиги синовларини Истамбул университетида ўтказдик, бу бизда бино 9 баллгача ер силкинишига бардош беришига ишонч уйғотди. Лекин биз муҳимлиги ундан кам эмас, деб ҳисоблайдиган муаммо мавжуд, у ҳам бўлса — шамол. Биз шамол симуляциясини синовларини Германияда ўтказдик. Бинонинг ҳар бир қаватидаги шамол оқимлари тренажёрларда ҳисобланди. Бу синовлар натижасида биномизнинг фасад тизими муфассал ҳисоблаб чиқилди.
Биз, шунингдек, осмонўпар бинонинг оловбардошлигига алоҳида эътибор қаратдик. Ёнғин хавфсизлигининг умумий қоидаларига мувофиқ, энг биринчи қилинадиган иш бу — одамларни хавфсиз эвакуация қилиш, шундан кейингина ёнғинни ўчиришни бошлаш зарур. Бизнинг тизимимизда буларнинг барчаси биргаликда ишлайди. Энг аввало, эвакуация йўллари тутун босишидан ҳимоя қилинганлигидир. Шу билан бир вақтда, вентиляция тизими ҳал қилинганлиги туфайли бинодаги ёнғин ўчоқлари унинг ичига ўрнатилган ақлли тизим ёрдамида назорат қилинади. Содда қилиб айтганда, биз ўта илғор инфратузилмани тайёрлаяпмиз ва бизнинг биноимиздаги барча назорат ва хавфсизлик тизимларига катта эътибор бераяпмиз».
Бино пойдевори ўта мустаҳкам бўлиши учун ноёб Баррет тизими қўлланилади, ундан ҳам ушбу лойиҳадаги бошқа кўплаб нарсалар каби Ўзбекистонда биринчи марта фойдаланилади. Ушбу тизим анча қиммат бўлишига қарамай, у ўзининг аналогларига нисбатан анча мустаҳкам ва чидамли ҳисобланади.
Бўлғуси осмонўпар бинони алоҳида маркадаги бетон билан таъминлаш учун Тошкент чеккасида бетон заводи қурилмоқда, унга 4 миллион доллар инвестиция киритилди. 800 маркали бетондан фойдаланишга қарор қилинди. Қурилаётган завод фақат Nest One лойиҳасини бетон билан таъминлайди.
Реклама ҳуқуқи асосида.
Изоҳ (0)