Ҳафтанинг энг муҳим твитлари: «Шарқ тароналари» трендда. Интернетда жаҳон тилларининг неча фоизи ишлатилади?

«Дарё» ўтиб бораётган ҳафтанинг қизғин баҳсларга сабаб бўлган твитларини диққатингизга ҳавола этади.

«Одамларнинг айтишича, иқлим сиёсати қимматга тушади. Аммо ҳаракатсизликнинг нархи янада қимматроққа тушади. Кучли иссиқ ҳар йили ўн минглаб америкаликларнинг ёстиғини қуритади, агар ҳаракат қилмасак. Ўз энергетика тизимимизни зудлик билан ва жасурлик ила қайта кўриб чиқишимиз зарур», – Берни Сандерс, сенатор ва АҚШ президентлигига номзод.

https://twitter.com/SenSanders/status/1166362652588859394

«Дунё аҳолиси 7 минг тилда созлашишади. Интернетда шу тилларнинг бор-йўғи 5 фоизигина мавжуд. Хавф остида қолаётган тилларни сақлаб қолиш учун #Savodxonlikkuni тадбирига қўшилинг», – UNESCO.

https://twitter.com/UNESCO/status/1166412606720159744

«27 август санасида Боливия президенти Эво Моралес Санта Роса ўт ўчирувчиларига ёрдамга келди. Боливия ўрмон ёнғинларига қарши курашмоқда», – «Америка овози».

https://twitter.com/VOANews/status/1166510899705856000

«Самарқанднинг Регистон майдонидаги концертни кўрмабсиз, демак, дунёга келмабсиз. Мен умримда ҳеч қачон бундай ранглар жилоси ва маҳсулдорликни кўрмаган эдим. Марказий Осиёдаги энг йирик ‘Шарқ тароналари’ мусиқа фестивали суратларини олиш билан унутилмас оқшомни ўтказдим», – Пип Жонс, америкалик саёҳатчи блогер.

https://twitter.com/pip_says/status/1166226844032610304

«Дональд Трампнинг охирги хориж саёҳатининг хулосалари:

- у кўп вақтини Twitter’да ўтказди;

- эркин матбуотга ҳужум қилди;

- иқлим ўзгариши доирасидаги учрашувда қатнашмади;

- Путиннинг фикрларини қайтарди.

Мамлакат учун қандай уятли кун», – Роберт Рейх, Беркли университети профессори.

https://twitter.com/RBReich/status/1166495361470361600

«Нима учун айрим америкалик таҳлилчилар назарида айнан АҚШ Россия билан муносабатларни яхшилаш учун ҳаракат қилиши керак? Нима учун муносабатлар аҳволи Путиннинг ташвиши бўлмаслиги керак? Трамп президент этиб сайланганидан бери Путин икки мамлакат ўртасидаги вазиятни яхшилаш учун аниқ бир қадам ташладими? Бундай сиёсатни мен кўрмадим», – Майкл Макфол, АҚШнинг Москвадаги собиқ элчиси.

https://twitter.com/McFaul/status/1166397963200917504

«Кўҳна Самарқандда маданий ҳамкорлик сеҳри ва инсонлар ва халқлар ўртасида мулоқот. Мусиқа инсонийликни тараннум этмоқда ва умид бахш этмоқда. Ўзбекистон ва UNESCO’га табрикларим», – Матилда Димовска, БМТ тараққиёт дастурининг Ўзбекистондаги вакили.

https://twitter.com/MatildaDimovska/status/1166018298124939264

«Биз Европа Иттифоқини 31 октябрда тарк этмоқчимиз ва Британияни дунёнинг энг яхши истиқомат қиладиган мамлакатига айлантирмоқчимиз», – Борис Жонсон, Буюк Британия бош вазири.

https://twitter.com/BorisJohnson/status/1166243899565846529

«27.08.2012 – орзуларни рўёбга чиқарадиган клуб билан фантастик саёҳатнинг бошланиши. Етти йил мобайнида ‘Реал’ оиласига аъзолик бахт ва фахрдир», – Лука Модрич, Мадриднинг «Реал» клуби футболчиси.

https://twitter.com/lukamodric10/status/1166421764928413696

«Дунёнинг энг катта экспортчи мамлакатлари», – Алпер Учўқ, Турк саноати ва иқтисодиётининг Германиядаги вакили.

https://twitter.com/AlperUcok/status/1166406440879296514

Жаҳонгир Эргашев тайёрлади.