Россиянинг Архангельск вилоятида 8 август куни портлаган ракетанинг ядро синовларига ҳеч қандай алоқаси йўқ ҳамда у соғлиқ ва ҳаёт учун хавли эмас. Meduza’нинг ёзишича, бу ҳақда Россиянинг Вена шаҳридаги халқаро ташкилотлардаги доимий вакили Алексей Карпов маълум қилди.
«Ҳодиса содир бўлган 8 август куни қайд этилган радиациянинг энг катта қиймати 1,78 микрозиверт бўлган бўлиб, бу тишни рентген қилишда олган нурланишга тенгдир», — деган у.
Карповнинг таъкидлашича, Северодвинскдаги портлаш радиактив моддаларнинг трансчегаравий ташишига олиб келмаган. «ОАВларда айтилаётганидек воқеа содир бўлган ҳудудда ҳам, ундан ташқарида ҳам ҳеч қандай экологик ҳалокат ҳақида гап бўлиши мумкин эмас», — деб қўшимча қилган Карпов.
Унинг айтишича, Архангельск вилоятидаги синовлар АҚШ 2002 йилда Ракеталарга қарши мудофаа шартномасидан чиққанидан сўнг Россия яратишни бошлаган қурол билан боғлиқ. Айнан қандай қурол ҳақида гап кетаётганига аниқлик киритмаган.
Изоҳ (0)