Ўзбекистон миллий терма жамоаси бош мураббийи Эктор Купер Жаҳон Чемпионати—2022 саралаш ўйинлари олдидан ташкил этилган матбуот анжуманида ўз фикрлари билан ўртоқлашди.
«Мен оптимист инсонман. Терма жамоа мураббийларида вақт муаммоси доим бўлади. Иш учун кам вақт бор, лекин тез натижа қайд этиш керак. Вазиятдан чиқиб кетиш лозим. Биринчи навбатда ўша давлатнинг урф-одатларини ўрганиш керак.
Барча нарсадан мамнунман, тўғри ЎФАда ўзгаришлар бўлди. Аммо биз ўз йўлимизда давом этамиз. Лекин ўзимнинг хулосам ижобий. Футбол ҳам сиёсат ва иқтисодиётдек. Ҳаммага ёқиш қийин. Лекин ҳозирги кунгача бўлган нарсалардан мамнунман. Албатта, доим муаммо бўлади, аммо оптимист бўлган ҳолда ишлашда давом этишиш керак. Оптимист дегани ҳаммани ютамиз дегани эмас, бироқ ишлаяпмиз. Баъзи жойларда ўзгаришлар киритдик, ҳамон ўзгаришлар бўлмоқда. Қайтараман оптимистман ва салбий нарсалар ҳақида гапиришни хоҳламайман. Эртага жамоа янги йиғинни бошлайди, футболчилар билан кўришамиз. Бўлган муаммоларни таҳлил қиламиз. Хатолардан тўғри хулоса қилиб ишлашимиз керак.
Мен ғалаба қозонишни истайман, бошқа ҳеч нарса хоҳламайман. Барчага кўпроқ имконият беришга ҳаракат қиламиз, бироқ барчага ёқиш қийин. Мен қайсар мураббий эмасман. Ҳамма таклифларга тайёрман. У таклифларни ўрганиб чиқамиз», — дейди Эктор Купер.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)