«Кёльн» — «Боруссия Д»
Жума оқшомини безаган учрашув Кёльн шаҳрида бўлиб ўтди. Унда дортмундликлар иродали ғалабани қўлга киритди. Дастлаб майдон эгалари Доминик Дрекслернинг голидан кейин олдинга ўтиб олди. «Боруссия» 70-дақиқага келибгина ҳисобни тенглаштиришга муваффақ бўлди. Жейдон Санчонинг ажойиб зарбасидан кейин мувозанат тикланди.
Асосий вақт якунланиши арафасида Ашраф Ҳакими «арилар»ни олдинга олиб чиқди, ҳакам томонидан қўшиб берилган вақтда Пако Алькасер якуний ҳисобни ўрнатди. Шу тариқа, Люсиэн Фавр шогирдлари ирода кўрсатган ҳолда уч очкога эга чиқди ва турнир жадвалида пешқадамликни ўз қўлига олди.«Шальке-04» — «Бавария»
Бундеслигада мавсумни омадсиз бошлаган мюнхенликлар бу турда «Шальке-04» майдонида меҳмон бўлди. Гелзенкирхенда бўлиб ўтган баҳс Роберт Левандовскининг бенефисига айланди. Польшалик ҳужумчи ҳет-трик қайд этган ҳолда жамоасига уч очко тақдим этди.
Мазкур ўйинда Люка Эрнандес, Иван Перишич ва Филиппе Коутиньо «Бавария» сафидаги дебютларини нишонлади. Франциялик ҳимоячи асосий таркибда майдонга тушган бўлса, Перишич ва Коутиньо захирадан ўйинга қўшилди.«Лейпциг» — «Айнтрахт»
Бошқа натижалар
Биринчи турда уч очкодан қўлга киритган «Фортуна» ва «Байер» жамоалари Дюссельдорфда ўзаро масалага ойдинлик киритди. Танаффуга қадар леверкузенликлар учта гол урган ҳолда масалани ҳал қилиб қўйди ва мезбонларнинг иккинчи бўлимдаги ягона жавоб тўпи ҳеч нарсани ўзгартира олмади.
Ўтган ҳафта амалдаги чемпиондан очко тортиб олган «Ҳерта» Берлинда «Вольфсбург»га йирик ҳисобда ютқазиб қўйди. «Хоффенхайм» эса сўнгги дақиқаларда урилган гол эвазига «Вердер»ни таслим этди.
Тур рақамлари
Бу турда олтита ўйинда меҳмонлар ғалабани қўлга киритган бўлса, иккита ўйинда майдон эгалари зафар қучган. Яна бир баҳсда дуранг бўлган. Энг кўп гол (5 та) «Ҳоффенҳайм» — «Вердер» учрашувида киритилди. Икки ўйинда йирик ҳисоб қайд этилган бўлса, тўртта ўйин 1:3 ҳисоби билан тугаган.2-турда жами 32 та гол урилди. Ўтган икки турда фақатгина «Шальке-04» голлари сонини очмади.
Бешта жамоа («Боруссия Д», «Фрайбург», «Лейпциг», «Вольфсбург», «Байер») 100 фоизлик натижа қайд этаётган бўлса, тўртта клуб («Майнц», «Кёльн», «Падерборн», «Вердер») ҳали очко қўлга киритмади.Турнир жадвали
Тўпурарлар рўйхати
Бундеслига
2-тур баҳслари
23 август, жума
«Кёльн» – «Боруссия Д» 1:3
Голлар: 1:0 — 29 Дрекслер, 1:1 — 70 Санчо, 1:2 — 86 Ҳакими, 1:3 — 90+4 Пако Алькасер.24 август, шанба
«Ҳоффенҳайм»—«Вердер» 3:2
Голлар: 0:1 — 42 Фюллькруг, 1:1 — 54 Бичакчич, 2:1 — 59 Бебу, 2:2 — 81 Осако, 3:2 — 87 Кадержабек«Фортуна Д»—«Байер» 1:3
Голлар: 0:1 — 6, автогол, Бейкер, 0:2 — 33 Арангис, 0:3 — 39 Бельараби, 1:3 — 82 Моралес«Майнц»—«Боруссия М» 1:3
Голлар: 1:0 — 18 Квайсон, 1:1 — 31 Лайнер, 1:2 — 77 Плеа, 1:3 — 79 Эмболо«Аугсбург»—«Унион Берлин» 1:1
Голлар: 1:0 — 59 Варгас, 1:1 — 80 Андерссон«Падерборн»—«Фрайбург» 1:3
Голлар: 1:0 — 3 Мамба, 1:1 — 21, пенальти, Вальдшмидтм 1:2 — 40 Петерсен, 1:3 — 90 Квон Чхан Хун«Шальке-04»—«Бавария» 0:3
Голлар: 0:1 — 20, пенальти, Левандовски, 0:2 — 50 Левандоски, 0:3 — 75 Левандовски25 август, якшанба
РБ Лейпциг – Айнтрахт Ф 2:1
Голлар: 1:0 — 10 Вернер, 2:0 — 80 Поулсен, 2:1 — 89 Гонсалу Пасенсия.Ҳерта – Вольфсбург 0:3
Голлар: 0:1 — 9, пенальти Вегорст, 0:2 — 82 Брекало, 0:3 — 90 Руссиён.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)