Чемпионликка даъвогар «Интер», барқарор «Ювентус» ва омадсиз «Милан». А Серияда тур тафсилотлари
24—26 август кунлари футбол бўйича Италия чемпионатининг 2019/20 йилги мавсум 1-тур ўйинлари бўлиб ўтди. «Дарё» кучли бешлик чемпионатлари қаторида А Сериянинг илк тури тафсилотларини бир саҳифага жамлади.
«Парма»—«Ювентус»
Турни амалдаги чемпион «Ювентус» сафарда «Парма»га қараши баҳс билан бошлаб берди. Учрашувдаги ягона гол (ҳисобланган) 21-дақиқада Жоржио Кьеллини томонидан урилди. Қайд этиш жоиз, Криштиану Роналду томонидан урилган гол VAR орқали ҳисобга олинмади. Шу куни Турин клуби сафида ёзги трансферлар вақтида жамоага келиб қўшилган Адриен Рабио дебют учрашувини ўтказди. Бундан ташқари ижарадан қайтган Гонсало Игуаин ҳам узоқ танаффусдан сўнг «Ювентус» таркибида илк расмий ўйинда қатнашди. «Аякс»дан космик суммага харид қилинган Маттейс де Лигт эса захирада қолдирилди.
«Фиорентина»—«Наполи»
Сўзсиз турнинг энг қизиқарли учрашуви Флоренция шаҳрида бўлиб ўтди. Унда мезбон «Фиорентина» янги мавсум олдидан чемпионликк даъво қилаётган Карло Анчелотти қўл остидаги «Наполи»ни қабул қилди. Ўйинда ҳисобни мезбонлар етакчиси Эрик Пульгар 9-дақиқада пенальти орқали очишга эришди. 38-дақиқада Дрис Мертенс ўзининг аниқ зарбаси билан мувозанатни тиклади. Орадан 4 дақиқа ўтиб, жамоасининг биринчи голига ассистентлик қилган Лоренсо Инсиньенинг ўзи гол уришга эришди. Қайд этиш жоиз, унга голли узатмани Дрис Мертенс берди. Иккинчи бўлим аввалида Никола Миленкович Пульгарнинг узатмасини голга айлантириб, ҳисобни тенглаштирди. Орадан 5 дақиқа ўтиб, Инсиньенинг навбатдаги узатмасини бу сафар Хосе Кальехон мезбонлар дарвозасига жойлаб қўйди. 65-дақиқага келиб, «Фиорентина»нинг янги аъзоси Кевин-Принс Боатенг яна жамоасининг ўйиндаги сўнгги голини урди. 2 дақиқадан кейин эса Кальехон—Инсинье комбинацияси гол билан якунланди. Шу тарзда Анчелотти шогирдлари сафарда осон бўлмаган ғалабани қўлга киритди.
«Удинезе»—«Милан»
Янги бош мураббий қўл остига ўтган «Милан» учун мавсум омадсиз бошланди. Марко Жампаоло шогирдлари илк турда «Удинезе» меҳмони бўлди. Ўйиндаги ягона гол 72-дақиқада удинеликлар янги аъзоси Родриго Бекао томонидан киритилди. Қайд этиш жоиз, Бекао Москванинг ЦСКА клубидан «Удинезе»га ўтганди. У ўзининг дебют ўйинидаёқ ғалабага голини урди. Шу куни миланликлар сафида Исмоил Беннасер ҳамда Рафаэль Леау ўзининг дебют ўйинини ўтказди.
«Рома»—«Женоа»
Турнинг яна бир қизиқарли учрашуви Римда кечди. «Рома» ҳам янги мавсумни янги бош мураббий — Паулу Фонсека қўл остида бошлади. Римликлар илк турда «Женоа»ни қабул қилди. Учрашувда ҳисобни 6-дақиқада туркиялик Женгиз Ундер қойилмақом ҳаракатлари эвазига очди. 10 дақиқа ўтиб, меҳмонлар вакили Пинамоти ҳисобни тенглаштирди. 30-дақиқада эса Эдин Жеконинг аниқ зарбаси «Рома»ни яна ҳисобда олдинга олиб чиқди. 49-дақиқада эса Александр Коларовнинг жаримадан йўллаган кучли ва аниқ зарбаси голга айланди. Ўйиндаги сўнгги голни эса «Женоа» аъзоси Куаме киритди. Шу тариқа томонлар жанговар дурангга имзо чекди.
«Интер»—«Лечче»
Турнинг сўнгги беллашуви эса Антонио Конте қўл остига ўтган «Интер» жамоаси иштирокида бўлди. «Нерадзуррилар» ўз майдонида «Лечче»ни қабул қилиб, йирик ҳисобдаги ғалабани қўлга киритди. Аввалига 21-дақиқада хорватиялик Марсело Брозович ўзининг кучли ва аниқ зарбаси билан ҳисобни очди. Орадан 3 дақиқа ўтиб, мавсум аввалида Контенинг илк харидига айланган Стефано Сенси ҳам ўз номини таблога ёздириб қўйишга эришди. Иккинчи бўлимнинг 60-дақиқасида эса узоқ давом этган трансфер сериалидан сўнг «Интер»га ўтган Ромелу Лукаку дебют учрашувидаёқ гол уришга эришди. Ўйинга якуний нуқтани эса 84-дақиқада Антонио Кандрева ўзининг қойилмақом голи билан қўйишга муваффақ бўлди. Шу тариқа «Интер» ва Антонио Конте мавсумни йирик ғалаба билан бошлади.
Тур рақамларда
- 10 та ўйинда жами 33 та гол урилди
- 5 та ўйинда меҳмонлар ғалаба қозонди, 2 та ўйинда дуранг қайд этилди. 3 та ўйинда эса мезбонлар ютди
- Меҳмонлар 17 та гол урди, мезбонлар эса 13 та.
- Энг йирик ҳисобдаги ғалаба: «Интер»да 4:0.
- Энг кўп гол урилган ўйин: «Фиорентина»—«Наполи» 7 та гол.
- Битта ҳам гол ура олмаган ўйинчилар: «Кальяри», «Сампдория», «Лечче»
- Бир йўла 4 футболчи 1-турда дублга эришди
А Серия
1-тур баҳслари
24 август, шанба
«Парма»—«Ювентус» 0:1
Гол: 0:1 — 21 Кьеллини«Фиорентина»—«Наполи» 3:4
Голлар: 1:0 — 9, пенальти, Пульгар, 1:1 — 38 Мертенс, 1:2 — 42, пенальти, Инсинье, 2:2 — 51 Миленкович, 2:3 — 56 Кальехон, 3:3 — 65 Боатенг, 3:4 — 67 Инсинье25 август, якшанба
«Удинезе»—«Милан» 1:0
Гол: 1:0 — 72 Родриго Бекао«Кальяри»—«Брешиа» 0:1
Гол: 0:1 — 54, пенальти Доннарумма«Верона»—«Болонья» 1:1
Голлар: 0:1 – 15, пенальти Сансоне, 1:1 – 36 Велозу«Рома»—«Женоа» 3:3
Голлар: 1:0 — 6 Ундер, 1:1 — 16 Пинамонти, 2:1 — 30 Жеко, 2:2 — 43, пенальти Кришито, 3:2 — 49 Коларов, 3:3 — 70 Куаме«Сампдория»—«Лацио» 0:3
Голлар: 0:1 — 37 Иммобиле, 0:2 — 56 Корреа, 0:3 — 62 ИммобилеСПАЛ—«Аталанта» 2:3
Голлар: 1:0 — 6 Ди Франческо, 2:0 — 26 Петанья, 2:1 — 34 Госенс, 2:2 — 70 Муриэль,2:3 — 76 Муриэль«Торино»—«Сассуоло» 2:1
Голлар: 1:0 — 14 Заза, 2:0 — 55 Заза, 2:1 — 69 Капуто26 август, душанба
«Интер»—«Лечче» 4:0
Голлар: 1:0 — 21 Брозович, 2:0 — 24 Сенси, 3:0 — 60 Лукаку, 4:0 — 84 Кандрева
Тўпурарлар рўйхати
- Луис Муриэль («Аталанта») — 2 та гол
- Симоне Заза («Торино») — 2 та гол
- Чиро Иммобиле («Лацио») — 2 та гол
- Лоренсо Инсинье («Наполи») — 2 та гол
