Қашқадарё вилоятида номаълум ҳайдовчи Китоб тумани ҳудудидан ўтувчи «Тошкент—Термиз» йўлида ҳайдаб кетаётиб, 34 ёшли У.М. исмли аёлни уриб юбориб, воқеа жойидан қочиб кетган.
ИИВ Жамоатчилик ва ОАВ билан алоқалар бошқармаси хабарига кўра, воқеа 18 август куни соат 15:05 ларда содир бўлган. Жароҳатланган аёл касалхонага ётқизилган, лекин кўрсатилган тиббий муолажаларга қарамай, 20 август куни вафот этган.
Ички ишлар органлари ходимлари томонидан кўрилган чоралар натижасида ушбу йўл-транспорт ҳодисасини Китоб тумани Сорил кўчасида яшовчи 33 ёшли Р.Т. ўзининг Damas машинасида содир этганлиги аниқланиб, ушланган.
Ҳолат юзасидан жиноят иши қўзғатилиб, тергов ҳаракатлари давом этмоқда.
Изоҳ (0)