Шарқий ҳарбий округ миқиёсида «Мен ғолиб» шиори остида «Қўшин разведкаси аълочиси» мусобақасининг иккинчи босқичи ўтказилди. Бу ҳақда Мудофаа вазирлиги Ахборот ва оммавий коммуникациялар департаменти хабар берди.
Мусобақа икки йўналишда олиб борилган. Биринчи йўналишда қатнашчилар жисмоний тайёргарликдан 100, 3 ва 5 километрга югуриш хамда турникда тортилиш, ҳарбий ориентирлаш орқали 10 километрга югуриш машқларини бажарган.
Иккинчи йўналишда эса шахсий таркибнинг чидамлилиги синалган. Улар жанговар тайёргарлик фанларидан назорат текширувларини топширган.
Жумладан, тактик махсус тайёргарликдан 20 метрга эмаклаб юриш, шартли душман ўт ёғдириши остида ўқ дориларни етказиб бериш, вертолётга чиқиш ва тушиш, разведкачилар йўлагидан ўтиш каби меъёрларни бажарган. Шундан сўнг отиш тайёргарлигидан махсус машқларни амалий тарзда бажарилган.
Изоҳ (0)