15 август куни АҚШ Давлат департаменти йиллик молиявий шаффофлик ҳисоботини эълон қилди. Ўзбекистон шаффофликнинг минимал талабларига жавоб бермайдиган 67 та мамлакат қаторига кирди, деб хабар бермоқда Spot.
Бу ерда республика Озарбайжон, Туркманистон, Ироқ, Покистон, Саудия Арабистони ва бошқа давлатлар билан қўшни. Талабларга жавоб берадиганлар орасида Грузия, Арманистон, Молдова, Туркия, Польша, Словакия, Афғонистон, Қирғизистон ва бошқалар бор.
«АҚШ ёрдамини қабул қилувчи ҳукуматларнинг йиллик молиявий шаффофлигини баҳолаш америкалик солиқ тўловчиларнинг маблағларидан тўғри фойдаланилишини таъминлайди», — дейилади ҳисоботда.
Шунингдек, Ўзбекистондаги ижобий ўзгаришлардан бири сифатида фуқаролар учун бюджетнинг нашр этилиши келтирилган. Аммо, тузувчиларнинг таъкидлашича, салбий ҳолатлар ҳали кўп. Улар орасида:
- қарз мажбуриятлари тузилмаси, айниқса давлат компанияларида ошкор қилинмаяпти;
- вазирликлар ва бошқа органларнинг харажатлари тўғрисида маълумот йўқ;
- табиий ресурслардан келадиган даромадлар тўғрисида тўлиқ маълумот йўқ;
- ҳукумат фойдали қазилмаларни қазиб олиш учун шартномалар тузишда қандай мезонларга асосланиши аниқ эмас;
- ва бошқалар.
- қарз мажбуриятлари тўғрисидаги маълумотлар, шу жумладан вазирликлар харажатлари тўғрисидаги маълумотларнинг тўлиқ очиқлиги;
- «оқилона муддат» ичида ҳукуматнинг бажарилган бюджети бўйича аудиторлик ҳисоботларини тайёрлаш ва нашр этиш;
- табиий ресурсларни қазиб олиш бўйича лицензиялар ва шартномаларни тақсимлаш мезонларини очиб бериш;
- ва бошқалар.
Изоҳ (0)