Шавкат Мирзиёевнинг «Жаслиқ» 19-сон ихтисослаштирилган колониясини тугатиш тўғрисидаги қарорига бир қатор давлат тузилмалари, сиёсий доираларнинг расмий вакиллари, ОАВ ва халқаро ташкилотлар ўз муносабатини билдирмоқда деб ёзади Ташқи ишлар вазирлиги матбуот хизмати.
АҚШ Давлат котибининг Жанубий ва Марказий Осиё масалалари бўйича ёрдамчиси вазифасини бажарувчи Элис Уэллс ўзининг Twitter’даги аккаунтида қуйидагиларни ёзиб қолдирган: «Биз Ўзбекистоннинг ёмон ном чиқарган «Жаслиқ» қамоқхонасини ёпиш тўғрисидаги эълонини қўллаб-қувватлаймиз. Ўзбекистонда инсон ҳуқуқларини яхшилаш учун ҳали олдинда кўп ишлар турибди, бироқ ушбу зулм масканининг тугатилиши ислоҳотлар йўлидаги муҳим қадам ҳисобланади».
АҚШ Давлат Департаментининг Инсон ҳуқуқлари, демократия ва меҳнат бюроси қуйидагича муносабат билдирган:
«Биз «Жаслиқ» қамоқхонасини ёпиш тўғрисида эълон қилгани учун Ўзбекистондан миннатдормиз. Инсон ҳуқуқлари жамиятлари бу тўғрисида деярли сўнгги 20 йил давомида сўраб келаётган эди».
Европа Иттифоқининг «Жаслиқ» жазони ўташ колонияси ёпилиши бўйича баёнотида: «2017—2021 йилларга мўлжалланган Ўзбекистоннинг бешта устувор йўналиши бўйича Ҳаракатлар стратегиясида кўрсатилганидек, ҳуқуқ устуворлиги ва инсон ҳуқуқларига амал қилиниши Ўзбекистон иқтисодий ва ижтимоий тараққиётини жадаллаштиришнинг узвий шарти ҳисобланади. Ҳам хорижий, ҳам ички иқтисодий операторларнинг олиб борилаётган ислоҳотларга ишончи ва уларнинг Ўзбекистон иқтисодиётига инвестиция китиришга тайёрлиги даражаси мазкур соҳадаги доимий ўсишга боғлиқ. ЙИ муносабатларимизни келажакда янги даражага кўтарувчи воқеаларни қўллаб-қувватлашга тайёр»лини маълум қилган.
Изоҳ (0)