Тошкентда аҳолини рўйхатдан ўтказиш уч босқичда амалга оширилади. Бу ҳақда шаҳар ҳокимлиги матбуот хизмати маълум қилди.
Тошкент шаҳар ҳокимлигида статистика қўмитаси ва туман ҳокимлари иштирокида мавзуга бағишланган видеоконференция бўлиб ўтди. Мажлисда сўровни ўтказиш усуллари, туманларда кўнгиллилар фаолиятига бағишланган ўқув семинарлари ўтказиш ҳақида келишиб олинди.
Хабарда айтилишича, умумхалқ аҳолини рўйхатга олиш жараёни уч босқичда ўтказилади: сўровга тайёргарлик ва ташкилий ишлар (2-3 йил давомида), бевосита сўровни ўтказиш (40-60 кун ичида), жамланган маълумотларни ахборот базасига киритиш (2-3 йил давомида).
Сўров натижасида барча ҳудудларда яшаётган аҳоли сони, ёши, миллати, жинси, яшаш шароити қайд этилади ва умумий ижтимоий демографик вазиятни акс этувчи ягона ахборот базаси яратилади.
https://youtu.be/HsTzEHx1xJs
«Эслатиб ўтамиз, Президентнинг 2019 йилнинг 5 февралида имзоланган фармонига кўра, 2022 йилда аҳолини рўйхатга олиш амалга оширилади. Айни дамда барча вилоятларда ушбу тадбирга тайёргарлик жараёни олиб борилмоқда», - дейилади хабарда.
Изоҳ (0)